දශක කිහිපයකට පසු ඔස්ට්‍රේලියාවේ ආහාර මිළ වැඩිම ඉහළයාම පසුගිය වසරේ

දශක කිහිපයකට පසු වසරක කාලය තුළදී ඔස්ට්‍රේලියාවේ අත්‍යවශ්‍ය ආහාර ද්‍රව්‍ය රැසක මිළ ගණන් වැඩිම අගයකින් ඉහළ ගිය වර්ෂය බවට පසුගිය වසර පත්වී තිබෙනවා.

ඒ අනුව සියයට 08 ත් 15 ත් අතර අගයකින් ආහාර මිළ ඉහළ ගොස් ඇති බවයි සංඛ්‍යාලේඛණ කාර්යාංශය නිකුත් කල දත්ත වාර්තාවල දැක්වෙන්නේ.

කිරි – යෝගට් – චීස් වැනි ද්‍රව්‍ය මිළ ගණන් වැඩිම අගයකින් ඉහළ ගොස් ඇත්තේ සියයට 15 ක පමණ අගයක් සටහන් කරමිනුයි.

පාන් සහ ධාන්‍යමය ආහාර මිළ ගණන් සියයට 12 කින්ද – පළතුරු හා එළවලු මිළ ගණන් සියයට 05 කට ආසන්න අගයකින්ද – මාංශ මිළ ගණන් සියයට 04 කින් පමණද වැඩිවී තිබෙනවා.

සමස්තයක් ලෙස පසුගිය වසරේ මුල් කාර්තුවට වඩා මෙම වසරේදී ආහාර මිළෙහි ඉහළයාම සියයට 08 ක් ලෙසටයි තක්සේරු කර ඇත්තේ.

NSW නව නිවාස ව්‍යාපෘති ඉදි කිරීම් බාධා ඉවත් කිරීමේ රෙගුලාසි මාලාවක්

නව නිවාස ව්‍යාපෘති ඉදි කිරීම් සම්බන්ධයෙන් පවතින බාධා ඉවත් කිරීමේ රෙගුලාසි මාලාවක් නිවු සවුත් වේල්ස් ප්‍රාන්ත රජය විසින් ප්‍රකාශයට පත් කිරීමට සූදානම් වනවා.

Read More »