Student වීසා රෙගුලාසි දැඩි කිරීමට යයි

යෝජිත සංක්‍රමණ නීති වෙනස්කම් යටතේ ශිෂ්‍ය වීසා සම්බන්ධ රෙගුලාසි දැඩි කිරීමට ෆෙඩරල් රජය තීරණය කර තිබෙනවා.

ඒ අනුව මෙරට පුහුණු ශ්‍රමික හිගයක් පවතින අංශවල අධ්‍යයන පාඨමාලා සඳහා ඉල්ලුම් කරන ජාත්‍යන්තර සිසුන් සඳහා ප්‍රමුඛතාවය හිමිවනු ඇති.

විදෙස් සිසුන් පැමිණීම සීමා කිරීමක් මෙමගින් අරමුණු නොකෙරෙන බවත් ශ්‍රම වෙළඳපොළට ගැලපෙන පරිදි සිසුන් හැඩගැස්වීම අපේක්ෂාව බවත් ස්වදේශ කටයුතු ඇමතිනී ක්ලෙයාර් ඔ-නිල් සඳහන් කලා.

ඇතැම් සිසුන් කෙසේ හෝ ඔස්ට්‍රේලියාවට පැමිණීමේ අපේක්ෂාවෙන් කුමන හෝ පාඨමාලාවක් සඳහා වීසා ලබාගැනීමට උත්සාහ දරන බවයි ඇය පෙන්වා දෙන්නේ.

එහෙත් ඔවුන්ට ස්ථිර වීසා ලබාගැනීමේ අසීරුතාවය සළකා බලා ෆෙඩරල් රජය විසින් මෙම තීරණය ගැනීමට අපේක්ෂා කරන බවයි ස්වදේශ කටයුතු ඇමතිනිය කියාසිටියේ.

බොහෝ දුරට ලබන ජූලි පළමුවනදා සිට මෙම නව නීති වෙනස්කම් බලාත්මක වනු ඇති බවටයි අනාවැකි පළවන්නේ.

ශිෂ්‍ය වීසා ලාභීන්ට රැකියාවල නිරතවිය හැකි පැය ගණන සති 02 කට පැය 48 කට සීමා කිරීමද ජූලි 01 දා සිට බලාත්මකයි.

source : https://www.abc.net.au/news/2023-04-27/immigration-overhaul-student-visa-skilled-worker-changes/102270912#students

ඔස්ට්‍රේලියානු ළමයින්ට සමාජ මාධ්‍ය භාවිතා කරන්න බැරිවෙන ලකුණු

මෙරට සමාජ මාධ්‍ය භාවිතය සඳහා වයස් සීමාවන් බලපැවැත්වෙන නව ක්‍රියාමාර්ග හඳුන්වා දෙන්නැයි සිදු කෙරෙන ඉල්ලීම් වැඩි වෙමින් ඇතැයි වාර්තා වනවා.

Read More »

ශ්‍රී ලංකා ජනපති සහ ඉලෝන් මස්ක් අතර හමුවක්

ඉන්දුනීසියාවේ නිල සංචාරයක නිරත ශ්‍රී ලංකා ජනාධිපති රනිල් වික්‍රමසිංහ ලොව ප්‍රධාන පෙළේ ධනවතෙක් ලෙස සැලකෙන ටෙස්ලා සමාගමේ ප්‍රධාන විධායක නිලධාරී මෙන්ම ට්විටර් සමාගමේ හිමිකරු වන ඉලෝන් මස්ක් හමුවී තිබෙනවා.

Read More »

සිඩ්නිහි තවත් පිහි ඇනුමකින් පොලිස් නිලධාරියෙක් රෝහලේ

සිඩ්නි නුවර සීබීඩීහි එලිසබෙත් වීදියේ දී පොලිස් නිලධාරියකුගේ හිසට පිහියෙන් ඇන බරපතල තුවාල සිදු කිරීමට සම්බන්ධ පුද්ගලයකු අත්අඩංගුවට ගෙන තිබෙනවා.

Read More »