ඔස්ට්‍රේලියාවේ තාවකාලික වීසා මත සිටින සංක්‍රමණික සේවකයින් රැකියා කිරීමේදී නීතියෙන් ලැබෙන ආරක්ෂාව පැහැදිලි කිරීමට කම්කරු පක්ෂ රජය පියවර ගෙන තිබෙනවා.
තාවකාලික වීසා මත සිටින සංක්‍රමණික සේවකයින් රැකියාවේදී අධික ලෙස ශ්‍රම සූරාකෑමට ලක්වීම ඊට හේතුවයි.
බොහෝ විට රැකියා ස්ථානයේ දී හිමිවන අයිතිවාසිකම් පිළිබඳ ඔවුන් නොදැනුවත් බවද සඳහන්.
ඔස්ට්‍රේලියානු පුරවැසියන්ට සමාන සේවක ආරක්ෂණයන් සඳහා ඔවුන්ටද හිමිකම් ඇති බව පැහැදිලි කිරීමට ඔස්ට්‍රේලියානු මධ්‍යම රජය පනත් කෙටුම්පතක් ඉදිරිපත් කිරීමට නියමිතව තිබෙනවා.
සංක්‍රමණික ශ්‍රමිකයින් සූරාකෑමට එරෙහිව සටන් කිරීම සඳහා වන වැදගත් පියවරක් ලෙස මෙම යෝජිත පනත් කෙටුම්පත හැඳින්විය හැකි බවයි කම්කරු පක්ෂ රජය අවධාරණය කරන්නේ.
මෙම වෙනස ඇති කිරීමෙන් තාවකාලික සංක්‍රමණික සේවකයන්ට අනෙකුත් ඔස්ට්‍රේලියානුවන්ට හිමි සමාන රැකියා අයිතිවාසිකම් සහ ආරක්ෂාව ඇති බවට තහවුරු කෙරෙනු ඇති.
මෙරට සංක්‍රමණික සේවකයින්ගෙන් 58% ක් නියමිත ප්‍රමාණයට වඩා අඩු වැටුප් ලබන බවයි පසුගියදා නිකුත් වූ වාර්තාවක සඳහන් වූයේ.
CREDIT / SOURCE – SBS
