Superannuation ශේෂය මත පණවන බදු ඉහළ නැංවීමේ යෝජනාව නැවත සළකා බලන්නැයි ග්රීන්ස් පක්ෂය විසින් කරන ලද ඉල්ලීම අගමැති ඇන්තනී ඇල්බනීස් විසින් ඉවත දමා තිබෙනවා.
අදාළ පාර්ලිමේන්තු විවාදය අතරතුර ඉදිරිපත් වන සංශෝධණ සළකා බැලීමට පමණක් සූදානම් බවයි අගමැතිවරයා අවධාරණය කලේ.
Superannuation ශේෂය ඩොලර් මිලියන 03 කට වැඩි ඕනෑම අයෙකුගෙන් අය කෙරෙන බද්ද සියයට 30 දක්වා ඉහළ දැමීමේ යෝජනාවක් 2025 වසරේ සිට ක්රියාත්මක කිරීමට ෆෙඩරල් රජය පසුගියදා යෝජනා කලා.
කෙසේවෙතත් කිසිදු බදු වැඩි කිරීමක් සිදු නොකරන බවට පසුගිය මැතිවරණ සමයේදී ලබාදුන් පොරොන්දුව මෙමගින් කඩවන බවයි ග්රීන්ස් පක්ෂය පෙන්වා දෙන්නේ.
ඔවුන්ගේ යෝජනාව වී ඇත්තේ නව බදු පැණවීමට වඩා Superannuation ගිණුම්වල ශේෂය ඩොලර් මිලියන 1.9 ට වැඩි සියල්ලන්ට දැනට දී ඇති සියලු බදු සහන කප්පාදු කල යුතු බවයි.
සෙනට් සභාවේ ග්රීන්ස් පක්ෂ සභිකයන් 11 දෙනෙකු සිටින අතර කිසියම් වැදගත් යෝජනාවක් සම්මත කරගැනීමේදී ඔවුන්ගේ සහයද අත්යවශ්ය වනවා.