ඔස්ට්‍රේලියානුවන්ට ඔවුන්ගේ සෞඛ්‍ය පිළිබඳ සියලු තොරතුරු තනි ජංගම දුරකථන ඇප්ලිකේෂනයකින් ලබාගැනීමට පහසුකම් සළසා තිබෙනවා.
ඇපල් සහ ඇන්ඩ්‍රොයිඩ් යන මෙහෙයුම් පද්ධති දෙකම ආවරණය වන පරිදියි My Health නම් මෙම නව ඇප්ලිකේෂනය නිර්මාණය කර ඇත්තේ.
රෝහල් ගත වීම් – ශෛල්‍යකර්මවලට ලක්වීම් – කොවිඩ් පී සී ආර් පරීක්ෂණ ප්‍රථිඵල සහ අසාත්මිකතා පිළිබඳ තොරතුරු ඊට ඇතුළත්.
එමෙන්ම ඉදිරියේදී ලබාගත යුතු එන්නත් පිළිබඳ තොරතුරු – Medicare වාර්තා ඇතුලු සියලුම සෞඛ්‍ය තොරතුරු මෙම ජංගම දුරකථන ඇප්ලිකේෂනයට ඇතුළත් කර තිබෙනවා.
My Health Record සඳහා ඇතුළත් කෙරෙන සියලුම තොරතුරු එසැණින් My Health ඇප්ලිකේෂනයේ යාවත්කාලීන වන බවයි ඔස්ට්‍රේලියානු සෞඛ්‍ය අංශ දන්වා සිටින්නේ.
