බෝට්ටු මගින් පැමිණි අනවසර සංක්‍රමණිකයන්ට ස්ථිර පදිංචිය ලබාදීමේ වැඩපිළිවෙලට දැනටමත් මෙරටට එලෙස පැමිණ සිටින අතිවිශාල පිරිසක් අයත් නොවනු ඇති බවට වාර්තා පළවනවා.
ඉන් බහුතරයක් 2013 වසරෙන් පසු මෙරටට පැමිණි අය වීම ඊට හේතුවයි.
මේ අනුව දැනට තාවකාලික වීසා බලපත් මත සිටින 12,000 කට ආසන්න පිරිසක් තවදුරටත් අවිනිශ්චිත තත්වයක පසුවන බවයි සංක්‍රමණ විද්වතුන් පෙන්වා දෙන්නේ.
සිවිල් යුධමය වාතාවරණ හේතුවෙන් මෙන්ම දේශපාලන රැකවරණ පතා ඔස්ටේ්‍රලියාවට පළා ආ ඇෆ්ඝන් සහ ශ්‍රී ලංකා පුරවැසියන් සැළකිය යුතු පිරිසක්ද ඒ අතර වනවා.
ඔවුන් පිළිබඳ ෆෙඩරල් රජය වහා අවසන් තීරණයක් ගත යුතු බවයි මානව හිමිකම් සංවිධානද අවධාරණය කරන්නේ.
2013 වසරට පෙර බෝට්ටු මගින් ඔස්ටේ්‍රලියාවට පැමිණි අනවසර සංක්‍රමණිකයන් 19,000 කට ස්ථිර පදිංචිය පිරිනැමීමට ෆෙඩරල් රජය පසුගියදා තීරණය කලා.
