පෙනහලූ වල ඇති ප්රෝටීනයක් මගින් කොවිඩ් ආසාදනය අවහිර කරන බව සිඩ්නි විශ්ව විද්යාලයේ විද්යාඥයින් විසින් සිදුකල පර්යේෂණයකදී අනාවරණ වී තිබෙනවා.
කොවිඩ් ඇතුලූ වෛරස් ආසාදන වැලැක්වීම සඳහා නව ඖෂධ නිපදවීමට මෙම සොයාගැනීම උපකාරී වනු ඇතැයි ඔවුන් විශ්වාස කරනවා.
මේ අතර සෞඛ්ය අමාත්ය මාර්ක් බට්ලර් පවසන්නේ දෙසැම්බර් මාසයේ වාර්තා වූ වත්මන් කොවිඩ් රැල්ලේ උච්චතම අවස්ථාවෙන් පසු ආසාදිතයින් සංඛ්යාව 80% කට වඩා අඩු වී ඇති බවයි.
ඔස්ට්රේලියාවට මාර්තු මස මුලදී ඔමික්රෝන් උප ප්රබේදය සඳහා වන එන්නත් මිලියන 10ක් ලැබෙනු ඇති බවත් එය 2021 අග භාගයෙන් පසුව ඔස්ට්රේලියාවට ලැබෙන විශාලතම තොගය වන බවත් ඔහු කියාසිටියා.
පසුගිය මාස හය තුළ කොවිඩ් ආසාදනය නොවූ හෝ කොවිඩ් එන්නතක් ලබා නොගත් සියලූම වැඩිහිටියන් සඳහා ෆෙඩරල් රජය මේ වනවිට අතිරේක මාත්රාවක් ප්රකාශයට පත් කර තිබෙනවා.
මෙම අතිරේක කොවිඩ් එන්නත් මාත්රාව ලබන පෙබරවාරි 20 දා සිට නොමිලයේ ලබා ගත හැකියි.