තමන් කැමතිම මත්පැන් විශේෂය වෙළඳසැලේ අලෙවියට තබා ඇතිදැයි නිවසේදීම දැන ගත හැකි පරිදි සිය ජංගම දුරකථන ඇප්ලිකේෂනය යාවත්කාලීන කිරීමට ඔස්ටේ්‍රලියාවේ ප්‍රධානතම මත්පැන් අලෙවිසැලක් වන Dan Murphy’s පියවර ගෙන තිබෙනවා.
ඒ අනුව වෙනත් ස්ථානයකදී හෝ තමන්ට හමුවන මත්පැන් වර්ගයක ඡායාරූපයක් ගෙන ඇප්ලිකේෂනයට ඇතුළත් කිරීමෙන් එය නිවසටම ගෙන්වා ගැනීමටද මේ යටතේ අවස්ථාව උදාවනු ඇති.
තමන් විසින් අලෙවි කරන මත්පැන් විශේෂ 25,000 ක් පමණ මේ යටතේ තෝරා ගත හැකි බව Dan Murphy’s පවසනවා.
වෙළඳසැලේදී මත්පැන් තෝරා ගැනීමේදී මුහුණු දෙන දුෂ්කරතා ද මේ යටතේ සැළකිය යුතු මට්ටමකින් තුරන් වනු ඇති බවයි ඔවුන් අවධාරණය කරන්නේ.
පසුගිය අගෝස්තු සිට මෙහි අත්හදා බැලීම් සිදුකල බවත් පාරිභෝගික ප්‍රතිචාර ඉහළ මට්ටමක පවතින බවත් ඔවුන් තවදුරටත් කියාසිටියා.
