කොවිඩ් අවධානම ඉහළයාම හමුවේ දකුණු ඔස්ටේ්‍රලියා ප්‍රාන්තය තුළ නැවත වරක් මුහුණු ආවරණ පැළඳීම යෝග්‍ය බවට ප්‍රාන්ත සෞඛ්‍ය අංශ නිර්දේශ ලබාදී තිබෙනවා.
පෙර සතියේ සටහන්වූ ආසාධිතයන් 3797 ක් වූ අතර පසුගිය සතියේදී එය 6867 ක් දක්වා ඉහළ ගොස් තිබුණා.
පවතින රෙගුලාසි වල කිසිදු සංශෝධනයක් නොකරන නමුත් මුහුණු ආවරණ පළදින්නැයි ප්‍රාන්තවාසීන්ගෙන් දැඩිව ඉල්ලා සිටින බව දකුණු ඔස්ටේ්‍රලියා අගමැති සඳහන් කලා.
මේ අතර ඔස්ටේ්‍රලියාව තුළ 04 වන කොවිඩ් රැල්ලක අවධානම පැවතියද ප්‍රාන්ත සීමා වසා දැමීමෙන් පමණක් වෛරසය පාලනය කල නොහැකි බව විද්වතුන් පෙන්වා දෙනවා.
හැකිතාක් සෞඛ්‍ය උපදෙස් අනුගමනය ප්‍රධාන විය යුතු බවටයි ඔවුන් යෝජනා කර සිටින්නේ.
