චීන ජනාධිපති ෂී ජිංපිං සහ තමා අතර මුහුණට මුහුණ සාකච්ඡාවක් හෙට දිනයේදී පැවැත්වෙන බව අගමැති ඇන්තනී ඇල්බනීස් අද තහවුරු කලා.
ජි20 රාජ්‍ය නයක සමුලුවට සහභාගීවීම සඳහා අගමැතිවරයා අද පෙරවරුවේ ඉන්දුනීසියාවේ බාලි නුවරට පැමිණි අතර අනතුරුව මාධ්‍ය අමතමිනුයි ඔහු මේ බව සඳහන් කලේ.
මැල්කම් ටර්න්බුල් අගමැතිවරයාගෙන් පසු චීන – ඔස්ටේ්‍රලියා නායකයන් දෙදෙනෙකු අතර මුහුණට මුහුණ නිල සාකච්ඡාවක් පැවැත්වෙන පළමු අවස්ථාවද මෙයයි.
චීන අගමැතිවරයා සහ අගමැති ඇල්බනීස් අතර කෙටි සාකච්ඡාවක් පසුගිය සෙනසුරාදා කාම්බෝජයේදී පවත්වා තිබුණා.
චීනය සහ ඔස්ටේ්‍රලියා එක්තරා දුරකට පලුදුවී ඇති සබඳතා යළි ශක්තිමත් කරගැනීම මෙහිදී සිදුවනු ඇති බවද සඳහන්.
මේ අතර ඔස්ටේ්‍රලියාවේ සංචාරයකට පැමිණෙන ලෙස අමෙරිකා ජනාධිපති ජෝ බයිඩ්න්ට ආරාධනාවක් සිදුකර තිබෙනවා.
චීන – අමෙරිකා ජනාධිපතිවරුන් අතර හමුව අද පැවැත්වීමට නියමිතයි.
