මෙඩිබෑන්ක් සයිබර් ප්‍රහාරකයන් විසින් තවත් ඔස්ටේ්‍රලියානුවන් 500 කගේ පමණ අතිශය සංවේදී පුද්ගලික තොරතුරු ප්‍රසිද්ධ කර තිබෙනවා.
මානසික ආබාධ – හෘද රෝග – දියවැඩියාව – ඇදුම – පිළිකා සහ විශාදය ඇතුලු විවිධ රෝගාබාධ සඳහා ගනු ලැබූ ප්‍රතිකාර පිළිබඳ තොරතුරු ද ඒ අතර වන බවටයි හඳුනාගෙන ඇත්තේ.
දත්ත මුදා හැරීම වලක්වාලීම සඳහා ඩොලර් මිලියන 15 ක කප්පම් මුදලක් දෙන ලෙස කල ඉල්ලීම මෙඩිබෑන්ක් විසින් ප්‍රතික්ෂේප කිරීම හමුවෙියි සයිබර් ප්‍රහාරකයන් විසින් මෙලෙස දෛනිකව පුද්ගලික තොරතුරු මුදාහරිමින් සිටින්නේ.
මෙඩිබෑන්ක් පාරිභෝගිකයන් ලක්ෂ 97 කගේ තොරතුරු සොරා ගැනීමට ලක්ව ඇති බවයි පැවසෙන්නේ.
මෙඩිබෑන්ක් සයිබර් ප්‍රහාරය එල්ලකරනු ලැබ ඇත්තේ රුසියානු සයිබර් ප්‍රහාරකයන් පිරිසක් විසින් බවට සනාථ වී ඇතැයි ඔස්ටේ්‍රලියානු ෆෙඩරල් පොලිසිය තහවුරු කරගෙන තිබෙනවා.
