ගණුදෙනුකරුවන්ට නිසි තොරතුරු සැපයීමේ චෝදනාවකට වරද පිළිගත් ANZ බැංකුවට ඩොලර් මිලියන 236 ක වන්දියක් ගෙවන ලෙස ෆෙඩරල් අධිකරණයක් විසින් නියම කර තිබෙනවා.
689,000 කට ආසන්න පිරිසකට හිමිවන පොළී වට්ටම් සහ ගාස්තු අය නොකිරීම් පිළිබඳ දැනුම්දීමට බැංකුව අපොහොසත් වී ඇති බවටයි නිගමනය වී ඇත්තේ.
ඒ අනුව ඩොලර් මිලියන 25 ක දඩයක් ඔවුන්ට නියම කල අධිකරණය තවත් ඩොලර් මිලියන 211 ක මුදලක් ගණුදෙනුකරුවන්ට වන්දි ලෙස ගෙවන්නැයි නියම කර තිබෙනවා.
2003 වසරේදී ANZ බැංකුව විසින් හඳුන්වාදුන් නම් පැකේජය හරහා ගණුදෙනුකරුවන්ට නිවාස ණය – ක්රෙඩිට් කාඩ් වැනි දෑ සම්බන්ධයෙන් සහන රැසක් හිමිවීමට නියමිතව තිබුණා.
එහෙත් ඔවුන්ට ඒ බව දැනුම් නොදීම හමුවේ 2003 ඔක්තෝබර් 01 වනදා සිට 2021 සැප්තැම්බර් 30 වනදා දක්වා කාලය තුළ ගණුදෙනුකරුවන්ගෙන් ඩොලර් බිලියන 1.9 ක මුදලක් අයථා ලෙස අයකරගත් බව ANZ බැංකුව අධිකරණය හමුවේ පිළිගෙන තිබුණා.