යුක්රේන රුසියානු යුද්ධයෙන් ශ්‍රී ලාංකිකයන් 08ක් මියයයි

රුසියාව සහ යුක්රේනය අතර පවතින යුද ගැටුම්වලදී අවම වශයෙන් ශ්‍රී ලාංකික රණවිරුවන් 08 දෙනෙකු මිය ගොස් ඇති බව පරීක්ෂණවලින් තහවුරු වී ඇතැයි පොලිසිය පවසනවා.

මියගිය රණවිරුවන් අතරින් හය දෙනෙකු රුසියාවේදී සහ දෙදෙනෙකු යුක්රේනයේ දී මියගොස් ඇති බවයි පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව අනාවරණය කළේ.

ශ්‍රී ලාංකික රණවිරුවන් 83 දෙනෙකු මිනිස් ජාවාරම්කරුවන් විසින් රුසියාවට සහ යුක්රේනයට මේ වන විට යවා ඇති බව පරීක්ෂණවලදී අනාවරණය වී ඇති බව ද ඔහු සඳහන් කර තිබෙනවා.

එම හමුදා සාමාජිකයන් අතරින් 60 දෙනෙකු රුසියාවට සහ 23 දෙනෙකු යුක්රේනයට යවා ඇති බවයි නියෝජ්‍ය පොලිස්පති තල්දූව පැවසුවේ.

පසුගියදා ශ්‍රී ලංකාවේ මිනිස් ජාවාරම් ජාවාරම් කිහිපයක් සම්බන්ධයෙන් තොරතුරු හෙළිවීමෙන් පසු රුසියානු – යුක්රේන යුද්ධයේදී ශ්‍රී ලාංකික රණවිරුවන් කුලී හේවායන් ලෙස යෙදවීම සම්බන්ධයෙන් පොලිසිය පරීක්ෂණයක් ආරම්භ කර තිබෙනවා.

එම යුද්ධයට යුද ප්‍රවීණයන් යෙදවීම සඳහා මිනිස් ජාවාරමක් ක්‍රියාත්මක කිරීම සම්බන්ධයෙන් අපරාධ පරීක්ෂණ දෙපාර්තමේන්තුවේ නිලධාරීන් පසුගියදා හිටපු හමුදා මේජර් ජෙනරාල්වරයකු සහ සාජන් මේජර්වරයකු ද අත්අඩංගුවට ගෙන ඇතැයි සඳහන්.

මීට පෙරද මෙවැනිම මිනිස් ජාවාරමක නිරත වූ යුද හමුදා මේජර් ජනරාල්වරයකු ඇතුළු දෙදෙනකු අත්අඩංගුවට ගෙන රක්ෂිත බන්ධනාගාරගත කර තිබෙනවා.

හිටපු හමුදා සෙබළුන් මෙන්ම විශ්‍රාමික යුද ප්‍රවීණයන් ගණනාවක් කුලී හේවා කණ්ඩායම්වල සාමාජිකයන් ලෙස රුසියානු-යුක්රේන යුද පෙරමුණට යැවීමෙන් පසු මිය ගොස් හෝ තුවාල ලබා ඇති බව ශ්‍රී ලංකාවේ ආරක්ෂක අමාත්‍යාංශය ද පසුගියදා තහවුරු කළා.

ආරක්ෂක අමාත්‍යාංශය පැවසුවේ විශ්‍රාමික යුද ප්‍රවීණයන් කිහිප දෙනෙකු නීතිවිරෝධී විදේශ රැකියා නියෝජිතයින්ගේ උපාය මාර්ගයකට හසු වී කුලී හේවා කණ්ඩායම්වල සාමාජිකයන් ලෙස රුසියානු-යුක්රේන යුද පෙරමුණට යවා ඇති බවයි.

ලොව පුරා ජනප්‍රිය වූ Dogecoin මුහුණේ කබොසු මියයයි

ගෝලීය සංකේතයක් බවට පත් වූ විකල්ප ගුප්තකේතන මුදල් ඒකකයක්වන Dogecoin හි මුහුණුවර බවට පත් වූ ජපන් සුනඛ කබොසු වයස අවුරුදු 18 දී මිය ගිය බව ඇගේ හිමිකාරිණිය පවසනවා.

Read More »

සාගතයට ලක්වූ රටක් මුහුණ දෙන තත්ත්වයක් ඔස්ට්‍රේලියාවේ?

කුසගින්නෙන් පෙළෙන ඔස්ට්‍රේලියානුවන්ගේ ඉල්ලුම සපුරාලීමට සමස්ත ආහාර සහන පුණ්‍යායතනවලින් තුනෙන් දෙකකට පමණ නොහැකි වී ඇතැයි නව සමීක්ෂණ මගින් අනාවරණ වී වී තිබෙනවා.

Read More »

ආසියාවෙන් පැමිණි මිලියන ගණනක තහනම් ද්‍රව්‍ය ඇල්ලූ දැවැන්ත මෙහෙයුම

ඔස්ට්‍රේලියානු දේශසීමා බලකාය විසින් මුහුදු භාණ්ඩ බහාලුම් හරහා රට තුළට රැගෙන ඒමට උත්සාහ කළ ඩොලර් මිලියන 12.4ක් වටිනා ඉලෙක්ට්‍රොනික දුම්වැටි අත්අඩංගුවට ගෙන තිබෙනවා.

Read More »