හෘද රෝගීන්ට ලබාදෙන ජීවිතාරක්ෂක ඖෂධ දෙකක මිල අඩු කිරීමට රජය පියවර ගෙන තිබෙනවා.
ඖෂධ ප්‍රතිලාභ යෝජනා ක්‍රමයට අදාළ ඖෂධ දෙක එකතු කිරීමෙන් පසුවයි එහි පිරිවැය රජය විසින් මෙලෙස කපා හැර ඇත්තේ.
මෙම මිල අඩු කිරීමට පෙර ඔස්ට්‍රේලියානුවන් 4800කට පමණ බලපාන හෘද රෝග වර්ග දෙකක ප්‍රතිකාර සඳහා රෝගීන්ට ඩොලර් 122,000ක් පමණ වැය වී තිබුණා.
මිල වෙනසින් පසු රෝගීන්ට ගෙවීමට සිදු වන්නේ එක් ඖෂධයකට ඩොලර් 31.60ක් හෝ සහන කාඩ්පතක් සමඟ ඩොලර් 7.70ක් පමණක් වීම විශේෂත්වයක්.
ඔස්ට්‍රේලියානුවන් 1200ක් පමණ පීඩා විඳින හුස්ම හිරවීම සහ තෙහෙට්ටුව වැනි තත්වයන් සහිත දුර්ලභ හෘද රෝගයකට මූලිකව ප්‍රතිකාර නොකළහොත් හෘදයාබාධ ඇති වීමේ අවදානමක් පවතිනවා.
අලුතින් ලැයිස්තුගත කර ඇති ප්‍රතිකාර ක්‍රමය ක්‍රියාත්මක වන්නේ රෝගයේ වර්ධනය මන්දගාමී කිරීමට සහ ඝන වූ හෘද පේශි ලිහිල් කිරීම සඳහායි.
හයිපර්ට්‍රොෆික් හෘද රෝගය සඳහා වන කැම්සියෝස් ඖෂධයේ පිරිවැයට ද සහනාධාර ලබා දීමට තීරණය වී ඇති අතර ඔස්ට්‍රේලියානුවන් 3600ක් පමණ මෙම රෝගයෙන් පෙළෙන බව සඳහන්.
රජයේ සහනාධාරය නොමැතිව, එම රෝගීන්ට වසරකට ඩොලර් 30,000ක් පමණ ප්‍රතිකාර සඳහා වැය වී තිබුණා.
එහි ඖෂධ ඖෂධ ප්‍රතිලාභ යෝජනා ක්‍රමයට ඇතුලත් කර ඇති බැවින් සුදුසුකම් ලත් රෝගීන්ට ප්‍රතිකාර සඳහා දැවැන්ත වියදම් වෙනුවට රජයේ පිරිවැය පමණක් ගෙවා ලබා ගැනීමට හැකි වනවා.
