පුරවැසිභාවය නිසා මන්ත්‍රී අසුන අහිමි වූ ඩයනාගේ පුරප්පාඩුවට මුජිබර් එයි

සමගි ජන බලවේගයේ සාමාජික සභික මුජිබර් රහුමාන් අද පාර්ලිමේන්තු මන්ත්‍රීවරයෙකු ලෙස දිවුරුම් දී තිබෙනවා.

රාජ්‍ය අමාත්‍ය ඩයනා ගමගේ එම මන්ත්‍රී ධුරයට නුසුදුස්සකු බවට අධිකරණය නියෝග කිරීම හේතුවෙන් පුරප්පාඩු වූ පාර්ලිමේන්තු අසුන සඳහායි මුජිබර් රහුමාන් කථානායකවරයා ඉදිරියේ දිවුරුම් දෙනු ලැබුවේ.

ඩයනා ගමගේට ශ්‍රී ලංකා පාර්ලිමේන්තුවේ මන්ත්‍රී ධුරයක් දැරීමට සුදුසුකම් නොමැති බවට ශ්‍රේෂ්ඨාධිකරණය පසුගියදා තීන්දු කර තිබුණා.

ඇයගේ බ්‍රිතාන්‍ය පුරවැසිභාවය හේතුවෙන් ශ්‍රී ලංකාවේ පාර්ලිමේන්තු මන්ත්‍රී ධුරයක් දැරීමට ඇති අයිතිය අභියෝගයට ලක් කරමින් ගොනු කර තිබූ පෙත්සම සලකා බැලීමෙන් අනතුරුව අදාළ තීන්දුව ප්‍රකාශයට පත් කරනු ලැබුවා.

එම මන්ත්‍රීවරිය ධුරයට නුසුදුස්සෙකු වීමෙන් පසුව එම පුරප්පාඩුව පිරවීම සඳහායි සමගි ජන බලවේගයේ ජාතික ලැයිස්තුවෙන් මුජිබර් රහ්මාන් නම් කිරීමට එම පක්ෂය යෝජනා කළේ.

ඩයනා ගමගේ මන්ත්‍රීවරිය සමගි ජන බලවේගයේ ජාතික ලැයිස්තුවෙන් පාර්ලිමේන්තුවට පැමිණ ඇති බැවින් පුරප්පාඩු වූ පාර්ලිමේන්තුවේ අපේක්ෂකයෙකු නම් කිරීමට එම පක්ෂයට අයිතියක් පවතිනවා.

ඒ අනුව එම නම ඇතුළත් ගැසට් නිවේදනය මැතිවරණ කොමිසම විසින් ඊයේ (09) ප්‍රකාශයට පත් කර තිබුණා.

මෙල්බන් උතුරු ප්‍රදේශයේ පාසල් බස් රථ අනතුරින් එක් අයෙක් ජීවිතක්ෂයට

මෙල්බන් උතුරු ප්‍රදේශයේ කිල්මෝර්හිදී අසම්ප්ෂන් විද්‍යාලයේ සිසුන් රැගත් පාසල් බස් රථය අනතුරට ලක්වීමෙන් රියදුරු මිය ගොස් සිසුවෙකු තුවාල ලබා තිබෙනවා.

Read More »

මගීන් සමග ගමන් කරමින් තිබූ ගුවන් යානයකට ෆ්ලෙමින්ගෝ ප්‍රහාරයක්

ඉන්දියාවේ මුම්බායි දක්වා පැමිණෙමින් තිබූ එමිරේට්ස් සමාගමට අයත් ගුවන් යානයක් ෆ්ලෙමින්ගෝ පක්ෂීන් රංචුවක ගැටී ඇතැයි වාර්තා වනවා.

Read More »