පන්දුවාර 20 ලෝක කුසලානයේ ශ්‍රී ලංකාව සහභාගී වන 02 වන තරගය එක්සත් අරාබි එමීර් රාජ්‍යයට එරෙහිව අද පැවැත්වෙනවා.
Geelong හි kardinia park ක්‍රීඩාංගණයේදී ඔස්ටේ්‍රලියාවේ වේලාවෙන් රාත්‍රී 07 ට හෙවත් ශ්‍රී ලංකාවේ වේලාවෙන් පස්වරු 01 යි 30 ට තරගය ආරම්භ වනු ඇති.
නැමීබියාවට එරෙහි තරගයේදී ලද පරාජය හමුවේ ශ්‍රී ලංකාව මේ වනවිට A කාණ්ඩයේ අවසාන ස්ථානයේයි පසුවන්නේ.
එබැවින් තරගාවලියේ රැඳී සිටීමට නම් ශ්‍රී ලංකාව අද තරගය අනිවාර්යයෙන් ජය ගත යුතුයි.
ශ්‍රී ලංකාව මෙන්ම එක්සත් අරාබි එමීර් රාජ්‍යයද අවසානයට සහභාගී වූ පන්දුවාර 20 තරගය පරාජයට පත්ව සිටීම විශේෂත්වයක්.
