වික්ටෝරියා ප්‍රාන්තයේ ජල ගැලීම් හමුවේ තාවකාලික ආරක්ෂිත ස්ථාන වෙත යොමුවූ පුද්ගලයන්ගේ නිවාස මංකොල්ලකෑම් සිදුවීම් රැසක් පසුගිය පැය 48 තුළදී වාර්තා වී තිබෙනවා.
මවුන්ට් හෙලන් ප්‍රදේශයෙන් පමණක් ඊයේ දිනය තුළදී මෝටර් රථවලට හානි කිරීමේ සිදුවීම් 15 ක් වාර්තා වී ඇති බවයි වික්ටෝරියා ප්‍රාන්ත පොලිසිය කියාසිටියේ.
මෙල්බන් තදාසන්න ප්‍රදේශ කිහිපයකින්ද මෙවැනි සිදුවීම් සටහන්වූ බවට වාර්තා පළවනවා.
මෙවැනි සිදුවීම්වලට සම්බන්ධ පුද්ගලයන්ට නීතිය දැඩිව ක්‍රියාත්මක කරන බවටයි ප්‍රාන්ත පොලිසිය අනතුරු අගවා සිටින්නේ.
සැකකරුවන් කිහිප දෙනෙකු අත්අඩංගුවට ගෙන ඇති බවත් අදාල ප්‍රදේශවල ආරක්ෂාව තර කර ඇති බවත් පොලිසිය සඳහන් කලා.
