ශ්‍රී ලංකාවේ වසර 30කට වැඩි කාලයක් පැවති LTTE ත්‍රස්තවාදය පරාජය කර රටට සැබෑ නිදහස උදාකර දී අදට වසර 15ක් සපිරෙනවා.
2009 වසරේ මැයි 18 වනදා නන්දිකඩාල් කලපුවේදී LTTE නායක වේලුපිල්ලේ ප්‍රභාකරන් ශ්‍රී ලංකා හමුදා සෙබළුන්ගේ ප්‍රහාරවලින් ජිවිතක්ෂයට පත්වීමත් සමඟයි එතෙක් පැවැති නිමාවට පත්වීම සනිටුහන් කෙරුණේ.
ලොව විශාලතම මානුෂිය මෙහෙයුම මගින් ප්‍රාණ ඇපයේ සිටි සිවිල් වැසියන් දහස් ගණනක් LTTE ග්‍රහණයෙන් මුදාගැනිමේ ගෞරවය ද ශ්‍රී ලංකාවේ ආරක්ෂක අංශ වෙත හිමි වනවා.
එවකට ජනාධිපති මහින්ද රාජපක්ෂ මෙන්ම යුද හමුදාපති සරත් ෆොන්සේකා මානුෂිය මෙහෙයුම සඳහා නායකත්වය දුන් අතර ආරක්ෂක ලේකම්වරයා ලෙස කටයුතු කරනු ලැබුවේ හිටපු ජනාධිපතිවරයෙක් ද වන ගෝඨාභය රාජපක්ෂයි.
මෙවර 15 වන රණවිරු සැමරුම් දිනයට සමගාමීව නාවික හමුදාවේ ජ්‍යේෂ්ඨ සහ කනිෂ්ඨ නාවිකයන් 3,146 දෙනෙකු ඊළඟ නිලයට උසස් කිරීමට පියවර ගෙන තිබෙන අතර, ශ්‍රී ලංකා යුද හමුදාවේ ද සෙබළුන් 1,300 කට වැඩි පිරිසකට ද උසස් වීම් ලබා දීමට නියමිත බව සඳහන්.
