ආරක්ෂක ගැටලුවක් හේතුවෙන් මෙල්බන් ජාත්‍යන්තර ගුවන් තොටුපළේ දැඩි නොසන්සුන් තත්වයක් හටගෙන තිබෙනවා.
ගුවන් වාර 09 ක් පමණ ප්‍රමාද කර ඇති අතර 1000 කට ආසන්න ගුවන් මගීන් පිරිසක් නැවත පරීක්ෂා කිරීමට පියවර ගෙන තිබුණා.
ක්වන්ටාස් ගුවන් සේවය නිවේදනය කලේ පරීක්ෂාවට ලක් නොවු පුද්ගලයෙකු ගුවන් පර්යන්තය වෙත පිවිසීම හමුවේ මෙම ගැටලුව උද්ගතවී ඇති බවයි.
ඒ අනුව ගුවන්ගතවීමට නියමිතව තිබූ ගුවන් යානයක සිටි මගීන් පිරිසක් ඉන් ඉවත් කර නැවත පරීක්ෂා කිරීමටද පියවර ගත් බව සඳහන්.
මෙහි බලපෑම හමුවේ අද දිනයේ මෙල්බන් පමණක් නොව සෙසු ගුවන් තොටුපළ රැසකද ප්‍රමාදයන් ඇතිවිය හැකි බවටයි වාර්තා පළවන්නේ.
මේ අතර ඇඩිලේඩ් ගුවන් තොටුපළේද අද පෙරවරුවේ මෙවැනිම තත්වයක් උද්ගතව තිබූ බව වාර්තා වනවා.
