ඔස්ටේ්‍රලියාවෙන් පිටත සිටින පුද්ගලයින් විසින් ගොනු කර ඇති වීසා අයදුම්පත් සලකා බැලීමට ප්‍රමුඛත්වය දීමට ස්වදේශ කටයුතු දෙපාර්තමේන්තුව තීරණය කර තිබෙනවා.
අයදුම්පත් සලකා බලා අවසන් කිරීමට ගතවන කාලය අඩු කිරීමට පියවර ගෙන ඇති බවයි දෙපාර්තමේන්තුව සඳහන් කලේ.
ශිෂ්‍ය – සංචාරක සහ පුහුණු ශ්‍රමික වීසා අයදුම්පත් සළකා බලන වීසා නිළධාරීන් සංඛ්‍යාව වැඩි කිරීමටද ඒ යටතේ ක්‍රියාමාර්ග ගෙන තිබෙනවා.
මෙම නව පියවරත් සමග ඉදිරි මාසවලදී වීසා සැකසුම් කාලය වැඩිදියුණු වනු ඇතැයි ස්වදේශ කටයුතු දෙපාර්තමේන්තුව අපේක්ෂා කරනවා.
දෙපාර්තමේන්තුව සතුව පැරණි අයදුම්පත් විශාල සංඛ්‍යාවක් මෙන්ම දිනපතා එකතුවන නව අයදුම්පත් විශාල සංඛ්‍යාවක්ද පවතිනවා.
හැකි ඉක්මනින් එම අයදුම්පත් සලකා බැලීම සඳහා කටයුතු කරන බවයි ස්වදේශ කටයුතු දෙපාර්තමේන්තුව සඳහන් කලේ.
