සිය කැපවීමෙන් නව ක්‍රමවේද ඔස්සේ දරුවන්ට සිප් සතර ලබාදීම වෙනුවෙන් 2022 වසරේ ආසියාවේ හොඳම ගුරුවරයා බවට පත්වූයේ ශ්‍රී ලාංකික ගුරුවරයෙකි.
ඔහු නමින් අසිත් මුතුකුමාරණ ය.
පරිසරය හා විනෝදය සමග වෙනස්ම ආකාරයකට දරුවන්ට ඉගැන්වීම නිසා මෙම තරුණ ගුරුවරයා දරු දැරියන්ට විශේෂ වේ.
එපමණක් නොව, 2018දී වසරේ විශිෂ්ටතම ගුරු තරුව ලෙසත් 2019දී ශ්‍රී ලංකාවේ හොඳම රාජ්‍ය සේවකයන් 10 දෙනා අතරටත් 2021දී ආසියාවේ හොඳම ගුරුවරයා ලෙසත් ඔහු සම්මානයට පාත්‍ර වේ.
ජයග්‍රහණ රැසකට හිමිකම් කියන මේ ගුරුවරයාගේ බලාපොරොත්තුව, දැනුමෙන් පෝෂිත දරු පරපුරක් අනාගතයට බිහිකිරීමය.
