ඔස්ටේ්‍රලියාවේ ප්‍රධානම රෝහලක් ගැන ආන්දෝලනාත්මක වාර්තාවක්

ඔස්ටේ්‍රලියාවේ ප්‍රධානම රෝහලක රෝගීන්ට සළකන ආකාරය සම්බන්ධයෙන් ආන්දෝලනාත්මක වාර්තාවක් නිකුත් කර තිබෙනවා.

ක්වීන්ස්ලන්ඩ් හි Mackay Base Hospital සම්බන්ධයෙනුයි මෙම හෙළිදරව්ව සිදුකර ඇත්තේ.

රෝගී සත්කාරවල අඩුපාඩු හේතුවෙන් ළදරුවන් 03 දෙනෙකුගේ මරණ සිදුවී ඇති බවත් එක් කාන්තාවක සදාකාලික කායික ආබාධයන්ට ලක්ව ඇති බවත් මෙහිදී අනාවරණය වුණා.

මෙවැනි අත්දැකීමක් කිසිදු පවුලකට අත් නොවිය යුතු බව ක්වීන්ස්ලන්ඩ් ප්‍රාන්ත සෞඛ්‍ය අමාත්‍ය Yvette D’Ath මෙම වාර්තාව එළිදක්වමින් සංවේදී අන්දමින් අදහස් පළකලා.

මව්වරුන් 26 දෙනෙකුට ගතවූ කාලසීමාව තුළදී ලැබී ඇත්තේ නියමිත මට්ටමට වඩා අඩු සැළකිලි බවටත් මෙම වාර්තාව අනාවරණය කරනවා.

ඔවුන් සියලු දෙනාට වන්දි ගෙවිය යුතු බවටයි වාර්තාව නිර්දේශ කර ඇත්තේ.

Mackay Base රෝහලේ සිදුවන අක්‍රමිකතා සම්බන්ධයෙන් අදහස් දැක්විමට 2020 ඔක්තෝබර් මාසයේදී කාර්ය මණ්ඩලය සූදානම් වුවද රෝහල් පාලනාධිකාරිය එය වළක්වා ඇති බවටයි චෝදනා එල්ල වන්නේ.

2019 වසරේ ජුලි 01 සිට 2021 වසරේ ඔක්තෝබර් 31 වනදා දක්වා කාලයට අදාළවයි මෙම වාර්තාව නිකුත් කර ඇත්තේ.

ඔස්ට්‍රේලියාවේ Post Study Visa ලබා ගැනීමට හැකි වයස් සීමාව අඩු කෙරේ

ඔස්ට්‍රේලියාවේ පශ්චාත් අධ්‍යයන වීසා සඳහා බලපාන වයස අවුරුදු 35 දක්වා සීමා කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.

Read More »

ධාවනයෙන් දස්කම් දැක්වූ උසේන් බෝල්ට් ක්‍රිකට්වලටත් එයි

ජාත්‍යන්තර ක්‍රිකට් කවුන්සිලය විසින් ඔලිම්පික් ධාවන ශුරයෙකු වන උසේන් බෝල්ට් ලබන ජුනි මස පළමුවනදා සිට 29 වනදා දක්වා පැවැත්වීමට නියමිත විස්සයි20 ලෝක කුසලානයේ තානාපති ලෙස ප්‍රකාශයට පත් කර තිබෙනවා.

Read More »

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »