ප්‍රතිචක්‍රීකරණය සඳහා විවිධ ද්‍රව්‍ය ලබාදීමෙන් නිවු සවුත් වේල්ස් ප්‍රාන්තවාසීන් පසුගිය වසර 05 තුළදී උපයාගෙන ඇති මුදල ඩොලර් මිලියන 800 කට ආසන්න බවට තක්සේරු කර තිබෙනවා.
බෝතල් – කෑන් වර්ග සහ වෙනත් බහාලුම් වර්ග සියල්ල එකතුව බිලියන 08 ක් පමණ මෙලෙස භාරදී තිබූ බව සඳහන්.
පරිසරය ආරක්ෂා කර ගැනීමේ ප්‍රාන්ත රජයේ වැඩපිළිවෙලට මෙය යහපත් ප්‍රවණතාවයක් බව නිවු සවුත් වේල්ස් පරිසර ඇමති ජේම්ස් ග්‍රිෆින් පෙන්වා දෙනවා.
නිවු සවුත් වේල්ස් හි වැඩිහිටි ජනගහණයෙන් සියයට 80 ක් පමණම මෙම වැඩසටහනට දායක වී සිටින බවයි අමාත්‍යවරයා පෙන්වා දෙන්නේ.
මෙහිදී එකතුවු මුදල් අතුරින් ඩොලර් මිලියන 35 ක පමණ මුදලක් විවිධ ස්වේච්ඡා සංවිධාන වෙත ලබාදී ඇති බවද සඳහන්.
