සිඩ්නි ඇතුලු ප්‍රදේශ දෙකක පිහි ඇනුම් ජිවිත දෙකක් අහිමි කරයි

නිව් සවුත්වේල්ස් ප්‍රාන්තයේ සිඩ්නි ඇතුලු ප්‍රදේශ දෙකක සිදු වූ පිහි අනුම්වලින් පුද්ගලයන් දෙදෙනෙකු මියගොස් තිබෙනවා.

ඊයේ රාත්‍රී මෙම අපරාධ සිදුවී ඇති බවයි ප්‍රාන්ත පොලිසිය නිවේදනය කළේ.

ඊයේ රාත්‍රී 8.25 ට පමණ සිඩ්නි ක්වෙකර්ස් හිල් ප්‍රදේශයේදී 28 හැවිරිදි තරුණයෙකු පපුවේ කැපුම් තුවාල සහිතව වැටී සිටියදී හමුවී තිබුණා.

ගිලන් රථ වෛද්‍යවරුන් ඔහුට මූලික ප්‍රතිකාර ලබාදී රෝහලට රැගෙන යන අතරමගදී මියගොස් ඇති බවයි වාර්තා වන්නේ.

සිද්ධියට අදාළ සැකකරුවන් අනාවරණ වී නොමැති අතර පිහි ප්‍රහාරයට ලක්වූ තරුණයාගේ අනන්‍යතාව ද පොලිසිය මෙතෙක් හෙළි කර නැහැ

මේ අතර නිව් සවුත්වේල්ස් ප්‍රාන්තයේ නැරෝමයින් ප්‍රදේශයේ සිදුවූ පිහි ඇනුමකින් තරුණයෙකු මිය ගොස් තිබෙනවා.

16 හැවිරිදි පිරිමි ළමයෙකු ගෙල ප්‍රදේශයේ පිහි ඇනුම් තුවාල සහිතව ඊයේ රාත්‍රී 9ට පමණ රෝහල් ගත කර ඇති බවයි පොලිසිය සඳහන් කළේ.

සිද්ධියට අදාළව අසල නිවසක සිටි 26 හැවිරිදි තරුණයෙකු පොලිසිය විසින් අත්අඩංගුවට ගෙන ඇති අතර ඔහු අධිකරණයට ඉදිරිපත් කිරීමට නියමිතයි.

මේ අතර සිඩ්නි දේවස්ථානයේ පිහි ඇනුමට අදාළව මේ වන විට බාල වයස්කරුවන් 7 දෙනෙකු පොලිස් අත්අඩංගුවට ගෙන තිබෙනවා.

අවුරුදු 14, 16 සහ 17 වයස්වල පසුවන ඔවුන්ට ප්‍රසිද්ධියේ පිහියක් රැගෙන යාම, ත්‍රස්තවාදී ක්‍රියාවක් සිදුකිරීමට කුමන්ත්‍රණය කිරීම හෝ සැලසුම් කිරීම සම්බන්ධයෙන් චෝදනා එල්ල වී ඇති බවයි පොලිසිය නිවේදනයක් නිකුත් කරමින් කියා සිටියේ.

බදාදා අත්අඩංගුවට ගත් තවත් පිරිමි ළමුන් දෙදෙනෙකුට මෙතෙක් චෝදනා එල්ල වී නොමැති බව පොලිසිය සඳහන් කළා.

තවත් බාලවයස්කරුවන් තිදෙනෙකු සහ පුද්ගලයන් දෙදෙනෙකුගෙන් පොලිසිය විසින් ප්‍රශ්න කරමින් සිටින අතර මෙතෙක් අත්අඩංගුවට ගෙන නොමැති නැහැ.

ඔස්ට්‍රේලියානු නිවාස ණය හිමියන් තවදුරටත් මූල්‍ය ආතතියට

වර්තමානයේ ඔස්ට්‍රේලියාව තුල පවතින උද්දමනය සහ ඉහල පොලී අනුපාත හේතුවෙන් බොහෝ නිවාස ණය ලබාගත් නිවාස හිමියන් දැඩි අපහසුතාවයකට පත්ව තිබෙනවා.

Read More »

විදේශිකයන්ගේ සෙවීමක් නිසා ඔස්ට්‍රේලියාවේ නගර අතරින් සිඩ්නි මුල් තැනට එයි

විදේශයන්හි සිටින පුද්ගලයින් දේපල කුලියට ගැනීමට අපේක්ෂා කරන ඔස්ට්‍රේලියානු නගර ලැයිස්තුව තුළ සිඩ්නි නගරය ඉහළට පැමිණ තිබෙනවා.

Read More »

ලොව ධනවතුන් අතර ඉහළින් ඉන්න ඉලෝන් මස්ක් ළගදීම ශ්‍රී ලංකාවට

ස්ටාර් ලින්ක් (Starlink) චන්ද්‍රිකා අන්තර්ජාල සේවාව ක්‍රියාත්මක කිරීම සඳහා මේ වසරේ ශ්‍රී ලංකාවට පැමිණෙන ලෙස ජනාධිපති රනිල් වික්‍රමසිංහ කළ ආරාධනය ඉලෝන් මස්ක් පිළිගෙන ඇති බව වාර්තා වනවා.

Read More »

පිහි අපරාධ මඩින්න ගේන්න හදන නව නීතිය

පිහි හෝ ලෝහමය තියුණු ආයුධ රැගෙන යන පුද්ගලයින් පරීක්ෂාකිරීමට අදාළව නව නීති සම්මත කර ගැනීමට ඔස්ට්‍රේලියාවේ ප්‍රාන්ත රජයන් කටයුතු සැලසුම් කරමින් ඇතැයි වාර්තා වනවා.

Read More »