ඔස්ට්‍රේලියානුවන්ට ඩිජිටල් හැඳුනුම්පත භාවිත කිරීම සදහා නීතිමය අවස්ථාව ඉදිරියේදී ලබාදීමට සැලසුම් කර තිබෙනවා.
මෙතක් ඩිජිටල් හැඳුනුම්පත භාවිත කිරීම සදහා ඔස්ට්‍රේලියානුවන්ට අවස්ථාව පැවතියද ඒ සඳහා නීතිමය අවසරයක් මෙතෙක් ලැබී තිබුණේ නැහැ.
ඩිජිටල් හැඳුනුම්පතට අදාළ නීති පසුගිය මාර්තු මස අගදී සෙනෙට් සභාවේදී සම්මත වූ අතර ඉදිරි පාර්ලිමේන්තු රැස්වීමේදී එම පනත නියෝජිත මන්ත්‍රී මණ්ඩලයට ඉදිරිපත් කිරීමට නියමිතයි.
ඩිජිටල් හැඳුනුම්පත් ක්‍රියා කරන්නේ කෙසේද, එවැන්නක් අවශ්‍ය වන්නේ ඇයි, යන්න පිළිබද (https://my.gov.au/) යන වෙබ් අඩවියට පිවිසීමෙන් ලබා ගැනීමේ හැකියාව පවතිනවා.
නව තාක්ෂණයත් සමග ඔස්ට්‍රේලියානුවන් මේ වන විටත් ඩිජිටල් හැඳුනුම්පත භාවිත කරන අතර ව්‍යාජ ඩිජිටල් හැඳුනුම්පත් හඳුනා ගැනිමේ ක්‍රියාවලියක් ද ස්ථාපිත කිරිමට නියමිත බව සදහන් කර තිබෙනවා.
ඩිජිටල් හැඳුනුම්පත ඔබට මාර්ගගත ක්‍රමය ඔස්සේ ලබාගත හැකි අතර (https://my.gov.au/) වෙබ් අඩවියට පිවිස ලියාපදිංචි විය හැකියි.
