සේවකයන්ට හිග වැටුප් ගෙවන්න සුපිරි වෙළඳසැලකට නියෝගයක්

වික්ටෝරියානු කම්කරුවන් 1200කට පමණ ඩොලර් මිලියනයකට වැඩි නිවාඩු හිමිකම් ගෙවීමට අපොහොසත් වූ බවට Woolworths සුපිරි වෙළඳසැල පිළිගැනීමත් සමග ඩොලර් මිලියන 1.2ක දඩ මුදලක් පනවා තිබෙනවා.

Woolworths සුපිරි වෙළඳසැල් දැවැන්තයා ඩොලර් බිලියන 10 කට වඩා වැඩි උපරිම දඩයකට මුහුණ දී සිටිය ද සිකුරාදා මෙල්බර්න් මහේස්ත්‍රාත් විසින් එම දඩ මුදල ඩොලර් මිලියන 1.2 දක්වා පහත දමා තිබුණා.

Woolworths සුපිරි වෙළඳසැල 2022 වසරේ පෙබරවාරි මාසයේදී වික්ටෝරියා කම්කරුවන් වෙත ගෙවූ වැටුප් ලේඛන පද්ධති සමාලෝචනය කිරීමෙන් පසුවයි වැටුප් නීති උල්ලංඝනය කර ඇති බවට චෝදනා එල්ලවී ඇත්තේ.

ගෙවීම් ගණනය කිරීමේ විෂමතා හේතුවෙන් සමාගමෙන් ඉවත් වූ සේවකයින්ට ද හිඟ වැටුප් ලබා දිය යුතු බවට නිර්දේශ ඉදිරිපත් ව තිබුණා.

2020 වසරේ ජනවාරි මාසයේ සිට 2022 වසරේ ජූලි දක්වා කාලය තුළ අවස්ථා 3617කදී සේවකයන්ට අඩු වැටුප් ගෙවීම් සිදු කර ඇති බවටයි විමර්ශණ වලදී අනාවරණය වී ඇත්තේ.

එහි ප්‍රතිඵලයක් ලෙස වික්ටෝරියානු ප්‍රාන්තයේ හිටපු Woolworths කාර්ය මණ්ඩල 1227 දෙනෙකුට ඩොලර් මිලියනයක පමණ හිඟ වැටුප් හිමිවන බව සඳහන්.

නිවැරදිව වැටුප් ලබා දීම සහතික කිරීමට Woolworths සුපිරි වෙළඳසැල එකඟවී ඇති අතර චෝදනා එල්ල වීමට පෙර බලධාරීන් වින්දිතයන්ගෙන් සමාව අයැද ඇති බව ද සඳහන්.

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »