ඔස්ට්‍රේලියාව ඉහළම බදු අය කරන රටක් ලෙසට නම් වෙයි

ආර්ථික සහයෝගීතාවය සහ සංවර්ධනය සඳහා වූ සංවිධානයේ නවතම වාර්තා අනුව ඉහළම බදු අය කිරීමක් සටහන්ව ඇති රට ලෙසට ඔස්ට්‍රේලියාව බවට පත්ව තිබෙනවා.

එම වාර්තා අනුව 2022-2023 මූල්‍ය වර්ෂයේ දී ඔස්ට්‍රේලියාවේ සාමාන්‍ය පුද්ගලික බදු අනුපාතය සියයට 7.6 කින් වැඩි වි ඇති බවයි දැක්වෙන්නේ.

ආර්ථික සහයෝගීතාවය සහ සංවර්ධනය සඳහා වූ සංවිධානය රාජ්‍යයන් 37කින් සමන්විත අතර එම රටවල බදු අයකිරීම අතින් ඔස්ට්‍රේලියාව පළමු ස්ථානයට පත්ව තිබෙනවා.

ඉහළම බදු අයකිරීම් ශ්‍රේණිගත කිරීමේ දෙවන ස්ථානයට ලක්සම්බර්ග් රාජ්‍ය පත්ව ඇති අතර එම බදු අගය සියයට 5ක වැඩිවීමක් බව සඳහන්.

නවසීලන්තය වැඩිම සාමාන්‍ය පුද්ගලික බදු අයකරන රාජ්‍යන් අතර තෙවන ස්ථානයට පත්ව ඇති අතර එම අගය සටහන්ව ඇත්තේ සියයට 4.5ක් ලෙසයි.

කෙසේවෙතත් අග්‍රාමාත්‍ය ඇන්තනී ඇල්බනීස්ගේ ප්‍රධානත්වයෙන් හඳුන්වා දුන් තෙවන අදියරේ බඳු කප්පාදු සංශෝධනය මගින් ඉදිරියේ දී ඔස්ට්‍රේලියානුවන්ට බදු සහන රැසක් හිමි වන බව සඳහන්.

දැඩි බදු සීමා හේතුවෙන් ඔස්ට්‍රේලියානුවන් මුල්‍ය ආතතියට පත්ව ඇති ආකාරය ද එම වාර්තාවේ දක්වා තිබුණා.

නව බදු සංශෝධන යටතේ මෙම තත්වයේ වෙනසක් මෙම මුල්‍ය වර්ෂයේ සිදුවනු ඇති බවටයි ආර්ථික විශේෂඥයින් විශ්වාසය පළ කරන්නේ.

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »

ඔස්ට්‍රේලියාවට එන සංක්‍රමණික පිරිසක් වෙනුවෙන් අයවැයෙන් මුදල් වෙන් වෙයි

ඔස්ට්‍රේලියාවට සංක්‍රමණිකයන් ලෙස හෝ සරණාගතයන් ලෙස පැමිණෙන කාන්තාවන් ගෘහස්ත හිංසනයෙන් ආරක්ෂා කිරීම සඳහා මෙවර අයවැයෙන් ප්‍රතිපාදන වෙන්වී තිබෙනවා.

Read More »