ඔස්ට්‍රේලියාවේ ශිෂ්‍ය වීසා බලාපොරොත්තු වෙන සිසුන්ට යළි බාධකයක්

ඔස්ට්‍රේලියාවේ ශිෂ්‍ය වීසා සඳහා අයදුම් කරන්නෙකු සතුව තිබිය යුතු අවම ඉතුරුම් මුදල් ප්‍රමාණය ඉහළ නැංවීමට තීරණය කර තිබෙනවා.

වාර්තාගත ලෙසට ඉහළ යමින් පවතින සංක්‍රමණ පාලනය කිරීමේ වැඩසටහනේ කොටසක් ලෙස වංචනිකව සිසුන් බඳවා ගැනීමේ ක්‍රියාමාර්ග පිළිබඳ විද්‍යාල කිහිපයකට ද අනතුරු අඟවා ඇති බවයි වාර්තා වන්නේ.

එසේම ඉතුරුම් ගිණුම් සම්බන්ධයෙන් ව්‍යාජ තොරතුරු ලබාදී ඇති බවට හෙළි වුවහොත් දැඩි පියවර ගන්නා බවද බලධාරීන් අවධාරණය කර තිබෙනවා.

ලබන සිකුරාදා (10) සිට ජාත්‍යන්තර සිසුන් ඔවුන්ගේ වීසා බලපත්‍රය ලබා ගැනීම සඳහා අවම වශයෙන් ඔස්ට්‍රේලියානු ඩොලර් 29,710ක් එනම් ඇමරිකානු ඩොලර් 19,576ක ඉතුරුම් පිළිබඳ සාක්ෂි පෙන්විය යුතු වනවා.

මෙය මාස හතක පමණ කාලයක් තුළ අදාළ මුදල් අවශ්‍යතාව ඉහළ නැංවූ දෙවන අවස්ථාව ලෙසටයි සැලකෙන්නේ.

පසුගිය ඔක්තෝම්බර් මාසයේදී ඔස්ට්‍රේලියානු ඩොලර් 21,041ක්ව පැවති මුදල ඔස්ට්‍රේලියානු ඩොලර් 24,505 දක්වා ඉහළ නංවනු ලැබුවා.

2022 වසරේදී COVID-19 සීමාවන් ඉවත් කිරීමත් සමග වැඩි වන සංක්‍රමණිකයන් හේතුවෙන් දැනටමත් ශිෂ්‍ය වීසා නීති දැඩි කිරීමට බලධාරීන් ක්‍රියාමාර්ග රැසක් අනුගමනය කරමින් සිටිනවා.

පසුගිය මාර්තු මාසයේදී ශිෂ්‍ය වීසා සඳහා ඉංග්‍රීසි භාෂා අවශ්‍යතා වැඩි කරන ලද අතර ස්වදේශ කටයුතු අමාත්‍ය ක්ලෙයාර් ඕ නෙයිල් පැවසුවේ සිසුන් බඳවා ගැනීමේ ක්‍රමවේද සම්බන්ධයෙන් අධ්‍යාපන සැපයුම්කරුවන් 34 දෙනෙකුට අනතුරු ඇඟවීමේ ලිපි යවා ඇති බවයි.

ඔවුන් වරදකරුවන් වුවහොත් වසර දෙකක් දක්වා සිරගත කළ හැකි අතර සිසුන් බඳවා ගැනීම තහනම් කළ හැකි බවද ඇය ප්‍රකාශ කළා.

ජාත්‍යන්තර අධ්‍යාපනය මෙරට විශාලතම ආයෝජනවලින් එකක් වන අතර එමගින් ගතවූ මුල්‍ය වර්ෂයේදී ආර්ථිකයට ඩොලර් බිලියන 36.4ක් ලැබී තිබුණා.

ඉදිරි වසර දෙක තුළ ඔස්ට්‍රේලියාවේ සංක්‍රමණිකයන් බඳවා ගැනීම අඩකින් අඩු කිරීමටයි නව ප්‍රතිපත්ති මගින් රජය අපේක්ෂා කරමින් සිටින්නේ.

මෙල්බන්හි දුම්කොළ ගබඩා ගිනි තැබීම්වලට තවත් බාල වයස්කරුවන් දෙදෙනෙක් අල්ලයි

මෙල්බර්න්හි උතුරු ප්‍රදේශයේ දුම්කොළ ගබඩා ගිනි තැබීම සම්බන්ධයෙන් බාල වයස්කරුවන් දෙදෙනෙකු අත්අඩංගුවට ගෙන තිබෙනවා.

Read More »