එංගලන්ත හිටපු පාපන්දු නායකයෙකු වන ඩේවිඩ් බෙකම්, අභාවප්‍රාප්ත වූ 02 වන එළිසබෙත් රැජිණට අවසන් බුහුමන් දැක්වීම සඳහා පැය 12 කට වැඩි කාලයක් පෝලිමේ ගත කර තිබෙනවා.
එරට වේලාවෙන් ඊයේ අලුයම 02 ට පමණ තමා පෝලිමට එකතු වූ බවයි වෙස්ට් මිනිස්ටර් ශාලාව අසලදී මාධ්‍ය වෙත අදහස් දක්වමින් බෙකම් කියාසිටියේ.
බෙකම්ගේ මෙම ක්‍රියාව සම්බන්ධයෙන් විශාල පිරිසක් ප්‍රසාදයද පළකර තිබෙනවා.
රැජිණට ගෞරව දැක්වීම සඳහා එක් අයෙකුට රැඳී සිටීමට සිදුවන සාමාන්‍ය කාලය පැය 19 1/2 ක් බවට මේ වනවිට තක්සේරු කර තිබෙනවා.
රැජිණගේ අවසන් කටයුතු ලබන සඳුදා (19) සිදු කිරීමට නියමිතයි.
