විලියම් කුමරු – කේට් කුමරිය ලබන වසරේ ඔස්ටේ්‍රලියාවට

මහා බ්‍රිතාන්‍යයේ මීලගට ඔටුන්න හිමි කුමරුන් වන විලියම් කුමරුන් සහ කේට් කුමරිය ලබන වසරේදී ඔස්ටේ්‍රලියාවේ නිල සංචාරයකට පැමිණෙනු ඇති බවට වාර්තා වනවා.

අගමැති ඇන්තනී ඇල්බනීස් සඳහන් කලේ බොහෝ දුරට එය රැජිණගේ අභාවයෙන් පසු ඔවුන් නිරත වන පළමු විදෙස් සංචාරය වනු ඇති බවයි.

බ්‍රිතාන්‍ය රූපවාහිනී නාලිකාවක් සමග සම්මුඛ සාකච්ඡාවකට එක්වෙමින් අගමැතිවරයා මෙම තොරතුරු හෙළිකර තිබුණා.

2014 වසරේදීත් විලියම් කුමරුන් සහ කේට් කුමරිය ඔස්ටේ්‍රලියාවේ නිල සංචාරයක් සඳහා පැමිණි අතර 2020 වසරේදීත් පැමිණීමට නියමිතව සිටියා.

එහෙත් කොවිඩ් තත්වය හේතුවෙන් එය අවලංගු කෙරුණු අතර ලබන වසරේදි නැවත ක්‍රියාත්මක වනු ඇත්තේ එම සංචාරයයි.

බොහෝදුරට ඔවුන්ගේ දරුවන්ද මෙම සංචාරයට එක්වනු ඇති බවත් අගමැති ඇන්තනී ඇල්බනීස් අනාවැකි පළකර තිබුණා.

එවක ඔටුන්න හිමි කුමරුන් ලෙස සිටි වත්මන් 03 වන චාල්ස් රජු ද 2018 වසරේදී ඔස්ටේ්‍රලියාවේ නිල සංචාරයක් සඳහා පැමිණියා.

මහ සයුර මැද අසාධ්‍ය වූ ධීවරයා බේරා ගත් හෙලිකොප්ටර් මෙහෙයුම

ධීවර කටයුතුවල නිරත වෙමින් සිටියදී සාගරයේ සිටින සර්ප විශේෂයක දෂ්ඨනයක් හේතුවෙන් අසාධ්‍ය තත්වයට පත්වූ ධීවරයෙකු ප්‍රතිකාර සඳහා හෙලිකොප්ටර් මගින් ගොඩබිම වෙත රැගෙන විත් තිබෙනවා.

Read More »

වික්ටෝරියා ප්‍රාන්තයට ගේන්න ගිය මුදල් තොගය මග නතර වෙයි

ගෝල්ඩ් කෝස්ට් සිට මිල්ජුරා (Mildura) දක්වා ගමන් කිරීමට නියමිතව තිබූ ගුවන් යානයකට ඩොලර් 830,000ක මුදල් රැගෙන යාමට උත්සාහ කළ බව කියන පුද්ගලයෙක් ආරක්ෂක අංශ විසින් අත්අඩංගුවට ගෙන තිබෙනවා.

Read More »