ක්වන්ටාස් ගුවන් සමාගම් සේවකයන් අද දිනයට සැළසුම් කර තිබූ වැඩ වර්ජනය තාවකාලිකව අත්හිටුවා තිබෙනවා.
ඒ භූමි මෙහෙයුම් (Ground handling) අයත් ඩුබායි සමාගම සමග පැවති සාකච්ඡාවක ප්‍රථිඵලයක් ලෙසයි.
ක්වන්ටාස් සැපයුම් ජාලය නියෝජනය කරන සේවකයන් විශාල පිරිසක් අද මෙම වෘත්තීය ක්‍රියාමාර්ගය සැළසුම් කර තිබූ අතර ඒ අනුව සිඩ්නි – බ්‍රිස්බන් සහ ඇඩිලේඩ් ගුවන් තොටුපළවල ගුවන් ගමන් මෙහෙයුම් සඳහා අවහිරතා එල්ලවනු ඇති බවටයි අනතුරු අගවා තිබුණේ.
පැය 24 ක කාලයක් මෙම වර්ජනය ක්‍රියාත්මක කිරීමට සැලසුම් කර තිබුණේ වැටුප් වැඩි කිරීම සහ සේවා ගුණාත්මකභාවය ඉහළ නංවන ලෙස ඉල්ලමිනුයි.
මෙහිදී ජාත්‍යන්තර ගුවන් ගමන් සඳහා වැඩිම බලපෑමක් එල්ලවනු ඇති බවටත් අභ්‍යන්තර ගුවන් ගමන් සඳහාද සැළකිය යුතු බාධාවන් එල්ලවනු ඇති බවටත් අනතුරු ඇගවීමක් සිදුකර තිබූ නමුත් වර්ජනය අවලංගු කිරීම හමුවේ අද දිනයේදී ගුවන් ගමන් කටයුතු සාමාන්‍ය පරිදි ක්‍රියාත්මකයි.
