වික්ටෝරියා ප්රාන්තයේ ගුරු හිගය උච්චතම අවස්ථාවට පැමිණ ඇතැයි අධ්යාපන සංගම් පවසනවා.
රජයේ පාසල්වල විදුහල්පතිවරුන්ගෙන් සියයට 90 ක්ම පවසා ඇක්කේ ලබන වසරේ පාසල් කටයුතු පවත්වාගෙන යාමට ප්රමාණවත් ගුරුවරුන් තමන් සතුව නොමැති බවයි.
මෙම ගැටලුව විසඳා ගැනීමට හැකි ඉක්මණින් පියවරක් ගන්නැයිද ඔවුන් වික්ටෝරියා ප්රාන්ත රජයට දැනුම් දෙනවා.
මෙල්බන් නාගරික කලාපය මෙන්ම ප්රාදේශීය කලාපයේ පාසල් 242 ක් ආශ්රිතව සිදුකල සමීක්ෂණයකදී මෙම තොරතුරු අනාවරණ වී තිබෙනවා.
එහිදී විදුහල්පතිවරුන් අතුරින් 10 න් 08 දෙනෙකුම පවසා ඇත්තේ මෙම වසර තුළදී තමන්ට අවශ්ය ගුරු පුරප්පාඩු සම්පූර්ණ කරගැනීමට හැකිවනු ඇතැයි කිසිදු විශ්වාසයක් නොමැති බවයි.
ගුරුවරුන් එම වෘත්තියෙන් ඉවත් නොවීම සඳහා ගතහැකි කඩිනම් පියවර ගන්නා ලෙසටද ඔවුන් වික්ටෝරියා ප්රාන්ත රජයෙන් ඉල්ලා සිටිනවා.