ඔස්ටේ්රලියාව පුරා කුලී නිවාසවල කුලී මුදල් වැඩි නොකර වසර දෙකක් පවතින අගයේම තබාගත යුතු බවට හරිත පක්ෂය යෝජනා කරනවා.
මෙම දෙවසරක කුලී වැඩි කිරීමේ ක්රියාව අත්හිටුවීම අවසන් වූ පසු සෑම මාස 24 කට වරක්ම නිවාස කුලිය ඉහළ දැමීම උපරිමව 2% දක්වා තැබිය යුතු බව ද ඔවුන් අවධාරණය කරනවා.
ඉහළ යන ජීවන වියදම හමුවේ උපයා ගන්නා ආදායමට ඉඩ සලසා දීම මෙහි අරමුනයි.
කිසිදු පදනමක් නොමැතිව කුලී නිවාසවලින් කුලී නිවැසියන් ඉවත් කිරීම අවසන් කල යුතු බවද හරිත පක්ෂය යෝජනා කරනවා.
කෙසේවෙතත් මෙම යෝජනාව මධ්යම රජය එතරම් සක්රීයව සලකා නොබලන බවයි භාණ්ඩාගාරික අමාත්ය ජිම් චාමර්ස් පැවසුවේ.
රට පුරාම නිවාස කුලිය ඉහළ දැමීමට නොදී එය එකම අගයක තබාගැනීම ප්රායෝගිකව කරන්නේ කෙසේදැයි ෆෙඩරල් රජය ප්රශ්න කරනවා.