රහසිගතව ඇමති ධුරවල දිවුරුම්දීම සම්බන්ධයෙන් හිටපු අගමැති ස්කොට් මොරිසන්ට එරෙහිව තවත් පරීක්ෂණයක් පැවැත්වීමට ෆෙඩරල් රජය තීරණය කර තිබෙනවා.
අගමැති ඇන්තනී ඇල්බනීස් සඳහන් කලේ නීතිමය පියවරක් ගත නොහැකි බවට සොලිසිටර් ජනරාල්වරයා විසින් දන්වා එවා ඇතත් ගත හැකි තවත් පියවර රාශියක් පවතින බවයි.
ඒ අනුව ස්වාධීන පරීක්ෂණ මණ්ඩලයක් හරහා විමර්ශනයක් පවත්වන බවටයි ඔහු පොරොන්දු වූයේ.
ඇමති ධුර දිවුරුම්දීම් සහ සංශෝධන පිළිබඳ සියලු තොරතුරු මින් ඉදිරියට ප්‍රසිද්ධ කරන බවටයි අගමැති ඇල්බනීස් සහතික වූයේ.
පාර්ලිමේන්තු මන්ත්‍රී ධූරයෙන් ඉවත්වීම හෝ නොවීම පිළිබඳ තීරණයක් ගත යුතු වන්නේ ස්කොට් මොරිසන් සහ ලිබරල් පක්ෂය විසින් බවද මෙහිදී අවධාරණය කෙරුණා.
