ආහාර මිළ ගණන්වල උද්ධමනය වැඩිම රටවල් 10 අතරට ලෝක බැංකුව විසින් ශ්‍රී ලංකාවද නම් කර තිබෙනවා.
නවතම ලෝක බැංකු වාර්තාවට අනුව වැඩිම ආහාර උද්ධමනයක් සටහන් කර ඇත්තේ ලෙබනනයයි.
සිම්බාබ්වේ 02 වන ස්ථානයටත් – වෙනිසුවේලාව 03 වන ස්ථානයටත් තුර්කිය 04 වන ස්ථානයටත් නම් කර තිබෙනවා.
ආහාර මිළ උද්ධමනය අතින් ශ්‍රී ලංකාව පසුවන්නේ 05 වන ස්ථානයේයි.
ශ්‍රී ලංකාවට පසුපසින් මුල් ස්ථාන 10 සිටින අනෙකුත් රටවල් වන්නේ ඉරානය – ආර්ජන්ටිනාව – සූරිනාම් – ඉතියෝපියාව සහ මෝල්ඩෝවා රාජ්‍යයයි.
ශ්‍රී ලංකාවේ උද්ධමනය, ජුනි මාසයේ පැවති සියයට 58.9 හි සිට ජූලි මාසයේ දී සියයට 66.7ක් දක්වා ඉහළ ගොස් තිබෙනවා.
ආහාර සහ ආහාර නොවන කාණ්ඩ දෙකෙහිම අයිතමවල මිල ගණන්වල සිදු වූ මාසික ඉහළ යෑම් මීට හේතු වී ඇති බවයි ශ්‍රී ලංකා මහ බැංකුව සඳහන් කලේ.
