පුද්ගලික දත්ත රැස්කිරීම සම්බන්ධයෙන් පාරිභෝගිකයන් නොමග යැවීමේ චෝදනා මත ඔස්ටේ්‍රලියානු ෆෙඩරල් අධිකරණයක් විසින් ගූගල් ආයතනයට ඩොලර් මිලියන 60 ක දඩක් පණවා තිබෙනවා.
2017 ජනවාරි සහ 2018 දෙසැම්බර් දක්වා කාලයේදී ඇන්ඩ්‍රොයිඩ් දුරකථන ග්‍රාහකයන්ගෙන් මෙලෙස දත්ත නොදන්වා රැස්කල බවටයි චෝදනා එල්ල වන්නේ.
ඔස්ටේ්‍රලියානු ජංගම දුරකථන පරිශීලකයන් ලක්ෂ 13 කට පමණ එමගින් බලපෑම් එල්ලවී ඇතැයි දක්වමිනුයි පාරිභෝගික කොමිසම විසින් ගූගල් ආයතනයට එරෙහිව නඩු පවරනු ලැබුවේ.
අත්වැරදීමකින් මෙම දත්ත රැස්කල බවත් 2018 වසරේ දෙසැම්බර් මාසයේදී එම දෝෂය යථාවත් කල බවත් ගූගල් ආයතනය අධිකරණයේදී පවසා තිබුණා.
කෙසේවෙතත් ලොව අංක එකේ තාක්ෂණික සමාගමකට මෙවැනි අත්වැරදීම් සිදුවිය නොහැකි බවටයි පාරිභෝගික කොමිසම තර්ක කර තිබුණේ.
