නීතිවිරෝධීව ඔස්ට්‍රෙලියාවට බලා යාමට උත්සාහ කළ පුද්ගලයින් 12 දෙනෙකු යාපනය – පේදුරුතුඩුව ප්‍රදේශයේදී පොලිසිය අත්අඩංගුවට ගෙන තිබෙනවා.
අත්අඩංගුවට ගත් පිරිස අතර කාන්තාවන් සිව්දෙනෙකු ද පසුවන බවයි පොලිසිය සඳහන් කළේ.
පේදුරුතුඩුව – මරන්කාඩු වෙරළ ආශ්‍රිතව සිදුකළ මෙහෙයුමකදී මෙම පිරිස අත්අඩංගුවට ගෙන තිබෙනවා.
පසුගිය මාසයේදී ශ්‍රී ලංකාවෙන් පැමිණි නීති විරෝධී සංක්‍රමණිකයන් රැගත් බෝට්ටු 04 ක් ඔස්ටේ්‍රලියා මුහුදු තීරයේදී වැටලූ බව ඔස්ටේ්‍රලියා වෙරළාරක්ෂක බලකාය පවසනවා.
පුද්ගලයන් 125 දෙනෙකු මෙහිදී සිය භාරයට ගෙන හරවා යැවුණු බවයි ඔවුන් නිකුත් කල නිවේදනයක දැක්වෙන්නේ.
2015 වසරෙන් පසු එක් මාසයකදී වැඩිම අනවසර සංක්‍රමණිකයන් පිරිසක් එකවර හඳුනාගත් පළමු අවස්ථාවද මෙයයි.
ලේබර් පක්ෂ රජය යටතේ කිසිදු දේශ සීමා නීති ලිහිල් කිරීමක් සිදුකර නොමැති බව ෆෙඩරල් රජය අවධාරණය කරනවා.
අනවසර සංක්‍රමණිකයන් සියලු දෙනා එම අවස්ථාවේදීම හරවා යැවෙන බවයි ස්වදේශ දෙපාර්තමේන්තුව අවධාරණය කරන්නේ.
