ලබන නොවැම්බර් මාසයේ පැවැත්වීමට නියමිත වික්ටෝරියා ප්රාන්ත මැතිවරණයෙන් වත්මන් ඩැනියල් ඇන්ඩෲස් පාලන රජය විශිෂ්ඨ ජයක් අත්කර ගන්නා බවට නවතම සමීක්ෂණයක් හෙළිකර තිබෙනවා.
ඒ අනුව ලේබර් රජය විසින් සියයට 59.5 ක ඡන්ද ප්රතිශතයක් හිමිකර ගනු ඇති බවටයි නවතම සමීක්ෂණයක් පුරෝකථනය කර ඇත්තේ.
එය 2018 වසරේ පැවති ප්රාන්ත මැතිවරණයට වඩා සියයට 2.2 ක ජනප්රියත්වය ඉහළ යාමක් වනු ඇති.
වත්මන් වික්ටෝරියා විපක්ෂ නායක මැතිව් ගයි ට වඩා අගමැති ඩැනියල් ඇන්ඩෲස් ඉහළ ජනප්රියත්වයක පසුවන බවත් එම ප්රතිශතය සියයට 64.5 ක් බවත් මෙහිදී අනාවරණ වුණා.
මේ අනුව අඛණ්ඩව 03 වන වරටත් වික්ටෝරියා අගමැති ධුරයට ඩැනියල් ඇන්ඩෲස් පත්වනු ඇති බවටයි අනාවැකි පළවන්නේ.
ජූනි 30 වනදා සිට ජූලි 02 වනදා දක්වා කාලය තුළ වික්ටෝරියා හි ඡන්ද කොට්ඨාශ 1710 ක මෙම මත විමසුම සිදුකර තිබුණා.