අනුරාධපුර – තලාව මාර්ගයේ මොරගොඩ ප්‍රදේශයේදී වාහනයේ වල් අලියකු ගැටීමෙන් බරපතල තුවාල ලැබූ ප්‍රවීණ කලාකරු ජැක්සන් ඇන්තනී කොළඹ ජාතික රෝහලට මාරු කර එවා තිබෙනවා.
ඔහුගේ තත්වය තරමක් අසාධ්‍ය නමුත් මේ වනවිට ප්‍රකෘති තත්වයෙන් පසුවන බවයි රෝහල් ප්‍රකාශිකාවක තහවුරු කලේ.
තුවාල ලැබූ අනෙක් දෙදෙනා අනුරාධපුර ශික්ෂණ රෝහලේ ප්‍රතිකාර ලබන අතර ඉන් එක් අයෙකු දැඩි සත්කාර ඒකකයේද අනෙක් තැනැත්තා රෝහලේ සාමාන්‍ය වාට්ටුවක ද ප්‍රතිකාර ලබමින් පසුවනවා.
ඊයේ රාත්‍රී 10.00 ට පමණ ප්‍රවීණ රංගන ශිල්පී ජැක්සන් ඇන්තනී ඇතුළු 03 දෙනෙකු ගමන්ගත් කැබ් රථය අලියාගේ සිරුරේ ගැටීමත් සමග කැබ්රථය මතට වන අලියා ඇද වැටීමෙන් වාහනයට ද දැඩි හානි සිදුව ඇති බව සඳහන්.
තලාව පොලිසියයි වැඩිදුර විමර්ශන මෙහෙයවන්නේ.
