ඉන්ධන නිෂ්පාදනය කරන රටවල සමාගම්වලට ඉන්ධන ආනයනය කර බෙදා හැරීමට කැබිනට් අනුමැතිය ලැබී තිබෙනවා.
ඔවුන් මුල් මාස කිහිපය තුළදී ශ්‍රී ලංකා මහ බැංකුවෙන් හෝ මෙරට බැංකුවලින් විදේශ විනිමය අවශ්‍යතා අපේක්ෂා නොකල යුතු බවයි ට්විටර් සටහනක් තබමින් බලශක්ති අමාත්‍ය කාංචන විජේසේකර සඳහන් කලේ.
විධිමත් ක්‍රමවේදයක් අනුගමනය කරමින් අදාළ සමාගම් තෝරා ගනු ලබන අතර දිවයින පුරා පිහිටි සිපෙට්කෝ ඉන්ධන පිරවුම්හල් 1190 හරහා අදාළ ඉන්ධන බෙදා හැරීමට නියමිතයි.
මේ අතර ගුවන් යානා ඉන්ධන ආනයනය – සැපයීම සහ අලෙවිය සඳහා නව සැපයුම්කරුවන් වෙත අවසර දීමටද කැබිනට් අනුමැතිය ලැබී තිබෙනවා.
ශ්‍රී ලංකාව වෙත පැමිණෙන සහ මෙරටින් පිටත්ව යන ගුවන් යානා සඳහා දිනකට ගුවන් යානා ඉන්ධන ලීටර් ලක්ෂ 12 ක් පමණ අවශ්‍ය වන අතර එම අවශ්‍යතාවය සපුරාලීමට ලංකා ඛණිජ තෙල් නීතිගත සංස්ථාවට නොහැකිවීම සැළකිල්ලට ගෙනයි කැබිනට් මණ්ඩලය මෙම තීරණය ගෙන ඇත්තේ.
