නීතිවිරෝධී ලෙස ඔස්ටේ්‍රලියාවට ඇතුළු වීම සදහා බහු දින ධීවර යාත්‍රාවකින් ගමන් ගනිමින් සිටි ශ්‍රී ලාංකිකයන් 23 දෙනෙකු එරට වෙරළාරක්ෂක බළකාය විසින් අත් අඩංගුවට ගෙන පසුව ක්‍රිස්මස් දූපත වෙත රැගෙන ගොස් පිටුවහල් කිරීමෙන් පසු කටුනායක ගුවන් තොටුපළ වෙත එවා තිබෙනවා.
මොවුන් පසුගිය මැයි මස 27 දින වෙන්නප්පුව කොස්වාඩිය ප්‍රදේශයෙන් පිටත්ව ගොස් තිබුණා.
මෙම ශ්‍රී ලාංකිකයන් 23 දෙනා අතරින් එක් අයෙකු කාන්තාවක වන අතර මොවුන් මීගමුව, කොස්වාඩිය සහ මූතූර් ප්‍රදේශවල පදිංචිකරුවන් බව සඳහන්.
අදාළ ලාංකිකයන් පිරිස අද අලූයම 03.50 ට ඔස්ටේ්‍රලියාවට අයත් විශේෂ ගුවන් යානයකින් කටුනායක ගුවන් තොටුපළ වෙත එවා තිබුණා.
පසුව මෙම ශ්‍රී ලාංකිකයන් පිරිස ගුවන් තොටුපළ ආගමන විගමන දෙපාර්තමේන්තු නිලධාරීන් විසින් භාර ගෙන වැඩිදුර විමර්ශන කටයුතු සදහා කටුනායක ගුවන් තොටුපළ අපරාධ පරීක්ෂණ දෙපාර්තමේන්තු නිලධාරීන් වෙත භාර දී තිබෙනවා.
