ඉන්දියාවේ ධරම්ශාලා ජාත්‍යන්තර ක්‍රිකට් ක්‍රීඩාංගණය සිස්ග්‍රාස් තාක්ෂණය (SISGrass) භාවිත කරමින් දෙමුහුන් තණතීරුවක් (Hybrid pitches) සහිත ක්‍රීඩාංගණයක් ලෙස නවීකරණය කිරීමෙන් පසු එහි පැවැත්වෙන පළමු තරගය අද පැවැත්වීමට නියමිතව තිබෙනවා.
අයි.පී.එල්. තරගාවලියේ 53 වැනි තරගය ලෙස මෙම තරගය සත්කාරක පංජාබ් කිංග්ස් සහ චෙන්නායි සුපර් කිංග්ස් කණ්ඩායම් ප.ව. 3.30ට ආරම්භ කිරීමට නියමිතයි.
ඒ අනුව ක්‍රිකට් ක්‍රීඩාවට අලුතින් හඳුන්වාදුන් ‘දෙමුහුන් තාක්ෂණය’ යොදා ගනිමින් ප්‍රතිසංස්කරණය කළ පළමු ඉන්දීය ක්‍රීඩාංගණය ලෙස මෙය අද ඉතිහාසයට එක්වනු ඇති.
දෙමුහුන් තණතීරුවක් යනු ඉතා සියුම් තණතිලි වන අතර, එහි සාමාන්‍ය රටාවකට (සාමාන්‍යයෙන් 20mm x 20mm ජාලකය) මිලිමීටර් 90 දක්වා ගැඹුරට ප්ලාස්ටික් කෙඳි මැහුම් කර තිබෙනවා.
ක්‍රීඩාංගණයේ නවීකරණ කටයුතු සඳහා නෙදර්ල්ත සිස්ග්‍රාස් සමාගම මුදල් ආයෝජනය කළ බව ක්‍රීඩාංගණය භාර හිමාචල් ප්‍රදේශ් ක්‍රිකට් සංගමය සඳහන් කළා.
දෙමුහුන් ක්‍රීඩාංගණවල ජාත්‍යන්තර විස්සයි20 සහ සීමිත පන්දුවාර ක්‍රිකට් පැවැත්වීමට ජාත්‍යන්තර ක්‍රිකට් කවුන්සිලය (ICC) අවසර ලබා දීමෙන් අනතුරුව, එම සමගම විසින් එංගලන්තයේ ලෝඩ්ස්, ඕවල් ඇතුළු ක්‍රීඩාංගණ රැසක් දෙමුහුම්කරණයට ලක් කර තිබෙනවා.
ඊට සමගාමීව හිචාල් ප්‍රදේශ් ක්‍රිකට් සංගමය මීට පෙර ඔවුන්ගේ පුහුණු ක්‍රීඩාංගණ වල තනතීරු දෙමුහුන් ලෙස නවීකරණය කරනු ලැබෙනවා.
