පසුගිය පෙබරවාරි මාසය වනවිට ඔස්ටේ්‍රලියානුවන් ලක්ෂ 40 කට පමණ කොවිඩ් වෛරසය වැළඳී තිබූ බවට නවතම අධ්‍යයනයකින් අනාවරණ වී තිබෙනවා.
වයස අවුරුදු 18 ට වැඩි ජනගහණයෙන් 1/5 කට මෙලෙස වෛරසය ආසාධිතව තිබූ බව සඳහන්.
රුධිර පරිත්‍යාගශීලීන් 5185 දෙනෙකුගෙන් ලබාගත් තොරතුරු මත පදනම්ව මෙම විශ්ලේෂණය සිදුකර තිබෙනවා.
එහිදී හෙළිකරගෙන ඇත්තේ ක්වීන්ස්ලන්ඩ් සමස්ත ජනගහණයෙන් සියයට 26 කට – වික්ටෝරියා හි සියයට 23 කට සහ නිවු සවුත් වේල්ස් හි සියයට 21 කට කොවිඩ් වැළඳී තිබෙන්නට ඇති බවයි.
පසුගිය දෙසැම්බර් මාසයේ පැවති ඔමික්‍රොන් ප්‍රභේද රැල්ල හමුවේ මෙතරම් ආසාධිතයන් සංඛ්‍යාවක් සිටින්නට ඇති බවයි මෙම අධ්‍යයනයේදී හෙළිවී ඇත්තේ.
ඔස්ටේ්‍රලියානු රජයේ නිල සංඛ්‍යාලේඛණ අනුව 2020 වසරේ සිට ඊයේ දිනය වනවිට වාර්තා වී තිබූ කොවිඩ් ආසාදිතයන් සංඛ්‍යාව 78 ලක්ෂයකට අධිකයි.
