නිවු සවුත් වේල්ස් ප්‍රාන්තයේ විවෘත ප්‍රදේශ රාත්‍රී කාලයේදී කාන්තාවන්ට ආරක්ෂාකාරී ස්ථාන බවට පත් කිරීම සඳහා ඩොලර් මිලියන 30 ක නව ව්‍යාපෘතියක් සැළසුම් කර තිබෙනවා.
ඊට අදාළ යෝජනාව ලබන සතියේ ඉදිරිපත් කෙරෙන ප්‍රාන්ත අයවැයට ඇතුළත් බව සඳහන්.
ලිංගික හිංසන සහ ගෘහස්ථ ප්‍රචණ්ඩත්වය වළක්වාලීම මෙහි මූලික අරමුණ බවයි නිවු සවුත් වේල්ස් ප්‍රාන්ත රජය අවධාරණය කරන්නේ.
නිවු සවුත් වේල්ස් අගමැති ඩොමිනික් පෙරෝටේ පවසන්නේ ඔස්ටේ්‍රලියාවේ සෑම 06 දෙනෙකුගෙන් අයෙකු ලිංගික ප්‍රචණ්ඩත්වයට හෝ හිංසනයට ලක්වන තත්වයක් පවතින බවයි.
අඳුරු ප්‍රදේශවල නව විදුලි ආලෝක එළි ස්ථාපිත කිරීම – සී සී ටී වී කැමරා ස්ථාපිත කිරීම වැනි යෝජනා මීට ඇතුළත්.
අපරාධ සංඛ්‍යාලේඛණ කාර්යංශයට අනුව පසුගිය වසරේදී පමණක් උද්‍යාන – ළඳු කැලෑ වැනි ස්ථානවලදී කාන්තාවන් 220 ක් පමණ විවිධ අතවරවලට ලක්වී තිබුනා.
