අද සිට ඔස්ට්‍රේලියාවේ වීසා ඉල්ලුම් කරන ජාත්‍යන්තර සිසුන්ට අලුත් නීතියක්

ඔස්ට්‍රේලියාවේ ශිෂ්‍ය වීසා සඳහා අයදුම් කරන්නෙකු සතුව තිබිය යුතු අවම ඉතුරුම් මුදල් ප්‍රමාණය අද සිට ඉහළ නැංවීමට පියවර ගෙන තිබෙනවා.

මේ අනුව අද සිට ජාත්‍යන්තර සිසුන් ඔවුන්ගේ වීසා බලපත්‍රය ලබා ගැනීම සඳහා අවම වශයෙන් ඔස්ට්‍රේලියානු ඩොලර් 29,710ක් එනම් ඇමරිකානු ඩොලර් 19,576ක ඉතුරුම් පිළිබඳ සාක්ෂි පෙන්විය යුතු වනු ඇති.

මෙය මාස හතක පමණ කාලයක් තුළ අදාළ මුදල් අවශ්‍යතාව ඉහළ නැංවූ දෙවන අවස්ථාව ලෙසටයි සැලකෙන්නේ.

පසුගිය ඔක්තෝම්බර් මාසයේදී ඔස්ට්‍රේලියානු ඩොලර් 21,041ක්ව පැවති මුදල ඔස්ට්‍රේලියානු ඩොලර් 24,505 දක්වා ඉහළ නංවනු ලැබුවා.

වාර්තාගත ලෙසට ඉහළ යමින් පවතින සංක්‍රමණ පාලනය කිරීමේ වැඩසටහනේ එක් පියවරක් ලෙස වංචනිකව සිසුන් බඳවා ගැනීමේ ක්‍රියාමාර්ග පිළිබඳ විද්‍යාල කිහිපයකට ද අනතුරු අඟවා ඇති බවයි වාර්තා වන්නේ.

එසේම ඉතුරුම් ගිණුම් සම්බන්ධයෙන් ව්‍යාජ තොරතුරු ලබාදී ඇති බවට හෙළි වුවහොත් දැඩි පියවර ගන්නා බවද බලධාරීන් අවධාරණය කර තිබෙනවා.

2022 වසරේදී COVID-19 සීමාවන් ඉවත් කිරීමත් සමග වැඩි වන සංක්‍රමණිකයන් හේතුවෙන් දැනටමත් ශිෂ්‍ය වීසා නීති දැඩි කිරීමට බලධාරීන් ක්‍රියාමාර්ග රැසක් අනුගමනය කරමින් සිටිනවා.

පසුගිය මාර්තු මාසයේදී ශිෂ්‍ය වීසා සඳහා ඉංග්‍රීසි භාෂා අවශ්‍යතා වැඩි කරන ලද අතර ස්වදේශ කටයුතු අමාත්‍ය ක්ලෙයාර් ඕ නෙයිල් පැවසුවේ සිසුන් බඳවා ගැනීමේ ක්‍රමවේද සම්බන්ධයෙන් අධ්‍යාපන සැපයුම්කරුවන් 34 දෙනෙකුට අනතුරු ඇඟවීමේ ලිපි යවා ඇති බවයි.

ඔවුන් වරදකරුවන් වුවහොත් වසර දෙකක් දක්වා සිරගත කළ හැකි අතර සිසුන් බඳවා ගැනීම තහනම් කළ හැකි බවද ඇය ප්‍රකාශ කළා.

ජාත්‍යන්තර අධ්‍යාපනය මෙරට විශාලතම ආයෝජනවලින් එකක් වන අතර එමගින් ගතවූ මුල්‍ය වර්ෂයේදී ආර්ථිකයට ඩොලර් බිලියන 36.4ක් ලැබී තිබුණා.

ඉදිරි වසර දෙක තුළ සංක්‍රමණිකයන් බඳවා ගැනීම අඩකින් අඩු කිරීමටයි නව ප්‍රතිපත්ති මගින් රජය අපේක්ෂා කරමින් සිටින්නේ.

ඔස්ට්‍රේලියා ඉතිහාසයේ තුන්වන විශාලතම ලොතරැයි ත්‍යාගයේ හිමිකරු සොයයි

ඔස්ට්‍රේලියා ඉතිහාසයේ තුන්වන විශාලතම ත්‍යාග මුදල ලැබෙන ලොතරැයි දිනුම් ඇදීමෙන් ජයග්‍රාහකයෙකු බිහි වී තිබෙනවා.

Read More »

වෙසක් පොහොය දින වෙනුවෙන් සැමරුම් රැසක් නිව් සවුත්වේල්ස් ප්‍රාන්තයට භූ චලනයක් වික්ටෝරියා ප්‍රාන්තයෙන් හමුවූ කුරුළු උණ වෛරසය ගැන විශේෂ දැනුම්දීමක් ඔස්ට්‍රේලියාව තුළ රිය පැදවීමේදී ආහාර ගැනීමට ඇති නීතිමය අවසරය ගැන පැහැදිළි කිරීමක් ගෘහාශ්‍රිත සුරතල් සතුන් ගණන මිලියන 28ත් ඉක්මවා යයි

Read More »

වික්ටෝරියා ප්‍රාන්තයෙන් ඊයේ හමුවූ කුරුළු උණ ගැන අද විශේෂ දැනුම්දීමක්

ලෝකය පුරා පැතිර යන කුරුළු උණ වෛරසයට වඩා වික්ටෝරියා ප්‍රාන්තයෙන් හමුවී ඇති වෛරසයෙන් මහජනතාවට ඇති අවදානම අඩු බව නවතම සමික්ෂණ මගින් අනාවරණ වී තිබෙනවා.

Read More »

මැතිවරණ ප්‍රචාරක රැළියක වේදිකාවක් කඩා වැටී 9ක් ජීවිතක්ෂයට

උතුරු මෙක්සිකෝවේ මැතිවරණ ප්‍රචාරක රැලියක වේදිකාවක් කඩා වැටීමෙන් සිදු වූ අනතුරකින් පුද්ගලයන් 9 දෙනෙකු ජීවිතක්ෂයට පත්වී තිබෙනවා.

Read More »

සිංගප්පූරු ගුවන් යානයේ කැළඹීම ගැන ඇඩිලේඩ් යුවළක් විස්තර කරයි

සිංගප්පූරු ගුවන් සේවයේ යානයක් ඉහළ අහසේදී කැළඹීමකට හසුවීමේ අනතුර සිදුවූ අවස්ථාවේ එහි සිටි ඇඩිලේඩ් පදිංචි යුවළක් සිය අත්දැකීම් මෙන්ම එම අවස්ථාවේ දැනුණු හැඟීම් පිළිබඳ විස්තර කර තිබෙනවා.

Read More »