සිඩ්නි සහ බ්‍රිස්බේන් ගුවන්තොටුපලවලින් මගීන්ට දැනුම්දීමක්

එයාර් වනුවාටු (Air Vanuatu) ගුවන් සේවයේ ගුවන් ගමන් අවලංගු කිරීම හමුවේ එම ගුවන් යානාවල ආසන වෙන් කර ගත් මගීන්ට අද සහ හෙට ගුවන් තොටුපළට නොයන ලෙසට බ්‍රිස්බේන් සහ සිඩ්නි ගුවන් තොටුපළ දැනුම්දී තිබෙනවා.

ගුවන් ගමන් සඳහා වෙන් කර ඇති මගීන්ට එයාර් වනුවාටු හි පාරිභෝගික සේවා කණ්ඩායම සම්බන්ධ කර ගන්නා ලෙසට සහ ගුවන් ගමන් අවලංගු කර ඇති බැවින් ගුවන් තොටුපළට නොපැමිණෙන ලෙසටයි උපදෙස් දී ඇත්තේ.

එයාර් වනුවාටු සමාගම විසින් ඊයේ සිට ලබන ඉරිදා දක්වා ඔස්ට්‍රේලියාවට පැමිණෙන සහ ඉන් පිටත් වන ගුවන් ගමන් ඇතුළුව සියලුම ජාත්‍යන්තර ගුවන් ගමන් අවලංගු කර තිබෙනවා.

සිඩ්නි සහ පෝට් විලා අතර ක්‍රියාත්මක වීමට නියමිත ගුවන් ගමන් හයක් අවලංගු කර ඇති අතර බ්‍රිස්බේන් සහ ඉන් පිටත සේවා ද අවලංගු කර ඇති බවයි පැසිෆික් ගුවන් සේවයේ වෙබ් අඩවිය පෙන්වා දෙන්නේ.

සියලු ජාත්‍යන්තර ගුවන් ගමන් අවලංගු කර ඇති බව Air Vanuatu ප්‍රකාශකයෙකු තහවුරු කරන ලද අතර රජය ගුවන් සේවය ස්වේච්ඡා පරිපාලනයක් යටතට පත් කිරීමට සුදානම් වන බවට ද සඳහන් කර තිබෙනවා.

මෙම ක්‍රමවේදය සම්බන්ධයෙන් පවතින මතබේධාත්මක තත්වය හමුවේ Air Vanuatu විසින් ඊයේ සිට 12 වන ඉරිදා දක්වා සියලුම ජාත්‍යන්තර ගුවන් ගමන් අවලංගු කර ඇති බවයි ප්‍රකාශ කළේ.

ඉරිදාට පසුව සිදු කෙරෙන සියලුම ගුවන් ගමන් පිළිබඳ දැනට සමාලෝචනය කෙරෙමින් පවතින බව සඳහන්.

මගීන් ඇතුළු බලපෑමට ලක් වූ පාර්ශ්වකරුවන් සඳහා සංචාරක උපදේශන පිටුවක් ද ගුවන් සමාගම විසින් පිහිටුවා ඇති අතර සංචාරක කර්මාන්තයේ පීඩාවට පත් වුවන් වෙනුවෙන් සමාව අයැද සිටින බවයි ඔවුන් ප්‍රකාශ කර ඇත්තේ.

එයාර් වනුවාටු සිය ගුවන් ගමන් අවලංගු කළ ද වර්ජින් ඕස්ට්‍රේලියා ගුවන් සේවය බ්‍රිස්බේන් සහ පෝර්ට් විලා අතර සෘජු සේවා තවදුරටත් ක්‍රියාත්මක වනවා.

ශ්‍රී ලංකා රුපියලට සාපේක්ෂව ඇමරිකානු ඩොලරයේ වෙනසක්

පසුගිය සතියට සාපේක්ෂව අද ශ්‍රී ලංකාවේ වාණිජ බැංකුවල ඇමරිකා එක්සත් ජනපද ඩොලරයට සාපේක්ෂව රුපියල සුළු වශයෙන් අවප්‍රමාණය වී තිබෙනවා.

Read More »

මෙල්බන් සාප්පු සංකීර්ණයක පිහි ඇනුමකට බාල වයස්කරුවන් දෙදෙනෙකු අල්ලයි

පසුගිය සතියේ මෙල්බර්න් හි බටහිර ප්‍රදේශයේ සාප්පු මධ්‍යස්ථානයකදී සිදු කළ පිහි ඇනුමකට සම්බන්ධ 13 හැවිරිදි දැරියක් ඇතුළු දෙදෙනෙකු අත්අඩංගුවට ගෙන තිබෙනවා.

Read More »