සතියේ වැඩ කරන දින ගණන 04 ක් දක්වා අඩු කිරීම කෙරෙහි ඔස්ටේ්‍රලියාවේද අවධානය යොමුවී තිබෙනවා.
ඊට අදාළ නියමු ව්‍යාපෘතියක් ලබන අගෝස්තු මාසයේදී ආරම්භ කෙරෙන අතර සමාගම් 20 ක සේවකයන් යොදාගනිමින් මාස 06 ක් පුරා එය ක්‍රියාත්මක වනු ඇති.
දැනටමත් මෙම වැඩපිළිවෙල එක්සත් අරාබි එමීර් රාජ්‍යය සහ මහා බ්‍රිතාන්‍යය තුළ ක්‍රියාත්මක වන අතර ඔස්ටේ්‍රලියාව සහ නවසීලන්තය ඇතුලු රටවල් කිහිපයක අත්හදා බැලීම්ද මෙලෙස ආරම්භ කිරීමට නියමිතයි.
ඵලදායිතාවය සහ කාර්යක්ෂමතාවය ඉහළ නංවාගැනීම මෙම නියමු ව්‍යාපෘතියේ මූලික අරමුණ වන අතර කිසිදු වැටුප් කපා හැරීමක් සිදුවන්නේ නැහැ.
ඔස්ටේ්‍රලියාව තුළ සිදුකරන නියමු ව්‍යාපෘතියේ අත්හදා බැලීම් සඳහා සහයවීමට විශ්ව විද්‍යාල කිහිපයක්ද ඉදිරිපත් වී සිටිනවා.
මෙහි සාර්ථකත්වය මත ඉදිරියේදී ස්ථිර වැඩපිළිවෙලක් ක්‍රියාවට නැංවෙනු ඇති.
