ඔස්ටේ්‍රලියාව සහ ශ්‍රී ලංකාව අතර 03 වන හෙවත් අවසන් පන්දුවාර 20 තරගය අද පැවැත්වෙනවා.
රාත්‍රී 07 ට පල්ලේකැලේ ජාත්‍යන්තර ක්‍රීඩාංගණයේදීයි එය ආරම්භ වන්නේ.
2-0 ක් ලෙස ඔස්ටේ්‍රලියාව විසින් මේ වනවිටත් තරගාවලිය ජයගෙන අවසන්.
මේ අතර ලංකා ප්‍රීමියර් ලීග් හෙවත් එල් පී එල් විස්සයි විස්ස ක්‍රිකට් තරගාවලියේ තුන්වන අධියර ජූලි 31 වැනිදා සිට අගෝස්තු 21 වනදා දක්වා පැවැත්වීමට ශ්‍රී ලංකා ක්‍රිකට් ආයතනය සැලසුම් කර තිබෙනවා.
කණ්ඩායම් 5 ක් එක්වන තරගාවලිය තරග 24 කින් සමන්විතයි.
ක්‍රීඩක වෙන්දේසිය වෙනුවෙන් ක්‍රීඩක ලියාපදිංචිය කඩිනමින් පැවැත්වීමටයි අපේක්ෂා කෙරෙන්නේ.
කොළඹ ආර් ප්‍රේමදාස ක්‍රිකට් ක්‍රීඩාංගනය හා සූරියවැව ජාත්‍යන්තර ක්‍රිකට් ක්‍රීඩාංගනය කේන්ද්‍ර කර ගනිමින් පැවැත්වීමට සුදානම් බවයි ක්‍රිකට් ආයතනයේ සභාපති ශම්මි සිල්වා සදහන් කළේ.
