නවසීලන්තය සමග වන සබඳතා නව මානයකට ගෙනයාමට කටයුතු කරන බව අගමැති ඇන්තනී ඇල්බනීස් පවසනවා.
නව රැකියා – ආර්ථික සම්බන්ධතා ඇතුලු කරුණු කෙරෙහි එහිදී අවධානය යොමුකරන බවයි නවසීලන්ත අගමැතිනි ජසින්ඩා ආර්ඩර්න් සමග අද පෙරවරුවේ ඒකාබද්ධ ප්‍රවෘත්ති සාකච්ඡාවකට එක්වෙමින් අගමැතිවරයා සඳහන් කලේ.
දේශගුණ විපර්යාස ඇතුලු කලාපයට බලපාන තවත් ගැටලු රැසක් පිළිබඳවද සමීපව කටයුතු කිරීමට අපේක්ෂා කරන බව ඇන්තනී ඇල්බනීස් කියාසිටියා.
අපරාධවලට සම්බන්ධ නවසීලන්ත ජාතිකයන් පිටුවහල් කිරීම සම්බන්ධයෙන් දෙපාර්ශවය අතර තවදුරටත් සාකච්ඡා කිරීමටද රාජ්‍ය නායකයන් දෙපළ එකග වී තිබෙනවා.
ඇන්තනී ඇල්බනීස් – ජසින්ඩා ආර්ඩර්න් සාකච්ඡා කර ඇති තවත් ප්‍රධාන මාතෘකාවක් වූයේ පැසිෆික් සාගරයේ චීන ක්‍රියාකාරකම් ඉහළ යාමයි.
