ඔස්ට්‍රේලියාවේ අවදානම් සහිත කලාපයන්හි නිවාස සදහා රක්ෂණ මුදල් ලබා දිමේ ගැටලුකාරී තත්වයක් මතුව තිබෙනවා.
ඔස්ට්‍රේලියාවට පමණක් නොව කැලිෆෝනියාව සහ ෆ්ලොරිඩාව යන රටවලද නිවාස රක්ෂණ ක්ෂේත්‍ර රැසක් කඩා වැටී ඇති බවයි වාර්තා වන්නේ.
බොහෝ විට අවදානම් සහිත ප්‍රදේශවල ජීවත් වන ජනගහණය වැඩි වීමත් සමඟ දේශගුණික හා ස්වාභාවික විපත්වලට රක්ෂණ මුදල් ලබා දීම ගෝලීය රක්ෂණ කර්මාන්තයට තර්ජනයක් වී ඇති බව සඳහන්.
ඔස්ට්‍රේලියාවේ පසුගිය වසර කිහිපය තුළ ලැව්ගිනි සහ ගංවතුර ආපදා රක්ෂණ වාරික තවදුරටත් ඉහළ ගොස් ඇති අතර නවතම සංඛ්‍යාලේඛනවලට අනුව සියයට 16.4 කින් නිවාස රක්ෂණ අගය ඉහළ ගොස් තිබෙනවා.
රක්ෂණ ක්‍ෂේත්‍රය ඉදිරියට ගෙනයා යුතු අතර නිවාස රක්ෂණ ණය ලබා ගැනීමට නොහැකිව වසර ගණනක් පොරොත්තු ලේඛනවල රැදී සිටින ඔස්ට්‍රේලියානුවන් සංඛ්‍යාවද ඉහළ ගොස් ඇති බවයි පැවසෙන්නේ.
ඉදිරි වසර 50 සිට 100 දක්වා කාලය තුළ ඔස්ට්‍රේලියාවේ අවදානම් කලාප හඳුනාගනිමින් ආපදා අවදානම අවම කිරීමට ක්‍රියා කළ යුතු අතර එසේ නොකරන්නේ නම් ඊළග පරම්පරාවද නොදැනුවත්වම මූල්‍ය ආතතියක් කරා යන බවයි විචාරකයින් පෙන්වා දෙන්නේ.
ගංවතුර සහ ලැව්ගිණි අවදානම් හේතුවෙන් ඔස්ට්‍රේලියානුවන් වෙනත් ප්‍රදේශවලට සංක්‍රමණය වන අතර නිවාස මිල ගණන් දැරිය නොහැකි ලෙස ඉහළ යෑම ද ඊට බලපාන බව සඳහන්.
